(නිමල කොඩිතුවක්කු)

ඉන්දීය රජයේ ආධාර ලෙස ලබාදුන් නිවාස විවෘත කිරීමට මෝදි අගමැතිවරයා එනවිට කළු කොඩි දාපු පිරිස ණයට ලැබුණු තෙල් නැව පිළිගැනීමට  අද උත්සව පවත්වන බව  විපක්ෂ නායක සජිත් ප්‍රේමදාස මහතා ප්‍රකාශ කළේය.

ණයට ඩීසල් ඉන්ධන නැවක් පසුගියදා ලංකාවට පැමිණි අවස්ථාවේ  ඇමතිවරු දෙදෙනෙකු  ගොස්  උත්සවාකාරයෙන් එම නැව පිළිගත් බවත් ණයට ලැබුණු ඩිසල් නැවක් පිළිගැනීමට පළමු වතාවට උත්සවයක් පැවැත් වූ රට බවට ඉතිහාස ගතවන බවත් විපක්ෂ නායකවරයා ප්‍රකාශ කළේය.

ගම්මුදාව, මහවැලි සංවර්ධන ව්‍යාපාරය, ඇඟලුම් කම්හල් දෙසීය වැඩසටහන, දරුවන්ට නිල ඇඳුම් බෙදා දීම වැනි කටයුතු වෙනුවෙන් උත්සව පැවැත්වූ  රටේ  ණයට ලැබුණු ඩිසල් නැවක් පිළිගැනීමට උත්සව පවත්ව තත්වයට පත්ව ඇතැයිද ප්‍රේමදාස මහතා කීවේය.

”සමගි ජන බලවේගයෙන් හුස්මක්” වැඩසටහනෙහි 45වන පියවර ලෙස කල්මුණේ රෝහල වෙත රෝහල් උපකරණ පරිත්‍යාග කිරීමේ අවස්ථාවට එක්වෙමින් ඔහු මේ බව පැවසීය.