බස් රථය ගිනි තැබූ තුනක් අත්අඩංගුවට

(බිමල් ශ්‍යාමන් ජයසිංහ)

මාරක රිය අනතුරක් කළ බස් රථයක් පොලිස් ආරක්ෂාව මධ්‍යයේ පොලිස් ස්ථානය වෙත රැගෙන එමින් සිටියදී බස්රථය වටකර පෙට්ට්‍රල් දමා බස් රථයට ගිනි තැබූ කණ්ඩායමේ තිදෙනෙක් අවිස්සාවේල්ල පොලිසිය අද (24) අත්අඩංගුවට ගත් බව උසස් පොලිස් නිලධාරියෙක් පැවැසීය.

නඩු භාණ්ඩයක් ලෙස නම් කර කර පොලිසිය වෙත රැගෙන එමින් තිබූ බස්රථය ගිනි තැබීමට සම්බන්ධ වූ තවත් පුද්ගලයන් 25 දෙනෙකු පමණ අත්අඩංගුවට ගැනීම සඳහා හඳුනාගෙන ඇති අතර ඒ අතර මියගිය පුද්ගලයාගේ පුතා ද වන බව පොලිසිය කියයි.

ඔවුන් මේ වන විට සිය නිවෙස් හැර පලාගොස් ඇතැයි උසස් පොලිස් නිලධාරියා කීය

එම අනතුරෙන් හැටපස් හැවිරිදි පුද්ගලයෙක් මිය ගොස් තිබිණි

ඉකුත් 15 වැනි දින අවිස්සාවේල්ල මානියම්ගම පා පැදි කරුවකු යට වීමේ යාමේ සිද්ධියකට සම්බන්ධ බස් රථය අවිස්සාවේල්ල පොලිසියේ රථවාහන අංශයේ නිලධාරීන් සිය බාරයට ගෙන පොලිස් ස්ථානය වෙත රැගෙන එමින් සිටියදී අනතුරින් කුපිත තිබූ ගම්වාසීන් තිස් දෙනකුගෙන් පමණ පිරිසක් මඟ හරස් කර බස් රථය වටා පෙට්රල් දමා ගිනි තැබීමෙන් බස්රථය සම්පූර්ණයෙන්ම විනාශ විය

එම අවස්ථාවේදී බස් රථය පදවමින් සිටි අවිස්සාවේල්ල පොලිසියේ රථවාහන අංශයේ නිලධාරියෙක් ද පිළිස්සුම් තුවාල ලබා රෝහල් ගත කෙරිණි

මෙම අනතුර සිදුකළ බස්රථයේ හිමිකරුගේ පුත්‍රයාට බරවාහන රියදුරු බලපත්‍ර නොමැති වීම හේතුවෙන් ඔහු අධිකරණය මඟින් රිමාන්ඩ් භාරයට පත් කෙරිණි

අත්අඩංගුවට ගත් සැකකරුවන් තිදෙනා හඳුනාගැනීමේ පෙරට්ටුව සඳහා අවිසාවෙල්ල අධිකරණය වෙත ඉදිරිපත් කිරීමට නියමිතය

අවිස්සාවේල්ල පොලිසිය පරීක්ෂණ පවත්වයි

අදහස් (9)

බස් රථය ගිනි තැබූ තුනක් අත්අඩංගුවට

Bamunuarachchi Monday, 24 January 2022 04:04 PM

සිද්ධිය දැකලා ඇතිවූ ක්ෂණික කෝපයට සිදුවූ දෙයක්... හිතාමතා කළ දෙයක් නොවෙයි බව කවුරුත් දන්නවා. ඒ නිසා දඬුවම සැරවෙන්නේ නැහැ. හොඳ ලෝයර් කෙනෙක් අල්ලන්න. ක්ෂණික කෝපයට කෙරෙන මිනීමැරුම් වලටත් සැර දඬුවම් ලැබෙන්නේ නැහැ.

: 14 4

සෙලනිකස් Monday, 24 January 2022 04:56 PM

ක්ෂනික කෝපයෙන් කොහොමද පෙට්‍රල් දාලා ගිනිතියන්නේ? හැමතිස්සේම පෙට්‍රල් ළඟ තියාගෙන ඉන්නවද?

: 1 5

BamunuarachchiMonday, 24 January 2022 07:47 PM

ක්ෂණික කෝපයට කොහොමද පිහියෙන් අනින්නේ? බස් එකට ගිනිතිබ්බ කෙනෙක් මියගිය තැනැත්තාගේ පුතාලු. තාත්තා ගේ ජීවිතය කාගේවත් නොසැලකිල්ල නිසා නැති වුණාම එන ආවේගය ගැන අමුතුවෙන් කියන්න ඕනේ නැහැ. ඔබේ පියා හෝ දරුවෙක් බස් එකකට යට වුණා යයි හිතන්න. මට සිදු වුණානම් මම කෝටියක් වියදම් කරනවා ඩ්‍රයිවරයා කම්බස් කරන්න.

: 1 1

KamalMonday, 24 January 2022 05:11 PM

මෝඩ බමුණෝ බස් එකට පණ තියෙනවද? බස් එකක් ගිනි තිබ්බාම ඒවා ආපහු ගේන්න ඔයාද ඩොලර් දෙන්නේ...?

: 0 7

BamunuarachchiMonday, 24 January 2022 08:19 PM

ගොන් රජෝ, වාහනයක් හැප්පුවාම හප්පපු එකා පැනලා දිව්වාම මිනිස්සු කරන්නේ වාහනයට ගහන එකයි. ඒක තමයි හැමදාම සිදුවුනේ... බලපිටිය පැත්තේ හප්පා ගන්නකෝ. හප්පපු එකාටයි, වාහනේටයි දෙකටම වැඩ හම්බ වෙනවා. ලංකාවේද ඉන්නේ? වෙන තූත්තු කුඩියකද ඉන්නේ..?

: 1 0

Bamunuarachchi Monday, 24 January 2022 04:04 PM

ඩ්‍රයිවර් නොවෙයි හැප්පුනේ බස්එක... ඒ නිසා බස් එක ගිනි තිබ්බා කියන්න.

: 5 2

Kule Monday, 24 January 2022 05:43 PM

මීටවඩා හොඳ නැද්ද මෙවැනි අනතුරු කරන රියදුරන්ගේ රියදුරු බලපත් ඔහුගේ ජීවිත කාලයටම තහනම් කරන්න කියලා බස්රථයේ හිමිකරුගේ මාර්ග බලපත්‍රය සදාකාලිකවම තහනම් කරන්න කියා ගමම එක්වී උද්ඝෝෂණය කර රජයට බලපෑමක් කළොත්?

: 0 2

Wakkumbura Monday, 24 January 2022 08:00 PM

පවු බමුණා.. මෝඩයා...

: 0 1

Bamunuarachchi Tuesday, 25 January 2022 11:16 AM

1971-1989 කාලේ බස් ගිනිතියපු, ට්‍රආන්ස්පොමර් ගිනිතියපු, බැංකු කඩපු ගොයියෝ ඔන්න දැන් එලියට ඇවිල්ලා. රටේ බලය දෙන්නලු. බලය කොහොම වෙත්තත් දෙකන් අනලා කුදලාගෙන ගිහිල්ල කුඩුවේ දැම්මොත් රටට හොඳක් වේවි.

: 0 0