(ලක්මි කුඩලිගම සහ නයනදුල සෙන්දනායක)

පවතින අධික වර්ෂාපතනයත් සමඟ කුකුලෙගග ජලාශයේ වාන් දොරටු දෙකක් මේ වන විට විවර කර ඇති අතර ඉන් තප්පරේට ඝන මීටර් 200 ක පමණ ජල ධාරිතාවක් කුඩා ගඟට මුදා හරින බව වාරිමාර්ග ඉන්ජේනේරුවෝ පවසති.

මේ හේතුවෙන් බුලත්සිංහල ප්‍රදේශයේ පහත් බිම් රැසක් සහ මාර්ග කිහිපයක් ජලයෙන් යටවී ඇතැයි බුලත්සිංහල ප්‍රාදේශීය ලේකම් ප්‍රසාද් පෙරේරා මහතා පවසයි.

මේ වනවිට බුලත්සිංහල මෝල්කාව ප්‍රධාන මාර්ගයේ පරගොඩ ඇටඹගස් හන්දිය ඇතුළු ප්‍රදේශ කිහිපයක් ජලයෙන් යටවීම නිසා ගමනාගමන කටයුතු සම්පූර්ණයෙන්ම ඇණ හිට ඇති අතර ජනතාව දැඩි දුෂ්කරතාවන්ට මුහුනපා සිටිති.

මේ වන විටත් එම ප්‍රදේශවලට අධික වැසි තත්වයක් පවතින අතර ජනතාව අඟුල් ආදී යොදා ගනිමින් ගමනාගමන කටයුතු සිදුකරන ගන්නා ආකාරය දක්නට ලැබේ.