(විනීතා එම් ගමගේ)

දේවස්ථාන තුනක්,  සුපිරි හෝටල් තුනක් ඇතුළු ස්ථාන අටක දී ඉකුත් 21 දා  සිදුවූ බෝම්බ පිපිරවීම් ගැන ඇමතිවරුන් හා ඉහළ නිලධාරින් දැන සිට ඇතත් එම අපරාධය සිදුවන්නට නොදී වළක්වා නොගැනීමෙන් ජනතාවගේ මූලික අයිතිවාසිකම් අහිමි වී ඇති බැවින් ශ්‍රේෂ්ඨාධිකරණයට මූලික අයිතිවාසිකම් පෙත්සමක් ඉදිරිපත් කරන බව නීතිඥ සංවිධාන ජාතික එකමුතුවේ සභාපති නීතිඥ මනෝජ් ගමගේ මහතා පැවැසීය.

එම අපරාධය සිදුවන්නට දී නිහඩව බලා සිටීමෙන් දණ්ඩ නීති සංග‍්‍රහය, අපරාධ නඩු විධාන සංග‍්‍රහය, ත‍්‍රස්තවාදය වැලැක්වීමේ පනත ඇතුළු නීති ගණනාවක් යටතේ මේ පිරිස අත් අඩංගුවට ගත හැකි වරදක් කර ඇතැයි ද ගමගේ මහතා කීය.

නීතියේ ආධිපත්‍යය සුරැුකී ඇති රටක් නම් වහා මේ පිරිස් අත් අඩංගුවට ගත යුතු යැයි ද හෙතෙම සදහන් කළේය.

එල් ටී ටී ඊ් ක‍්‍රියාකාරකම් ඇති කාලයේ වත් මෙවැනි තත්ත්වයක් උදා නොවූ යේ යැයි පැවසූ නීතිඥ සංගම් සභාපතිවරයා රජයේ ප‍්‍රබලයින් පවා මේ දේශීය කල්ලියක් බව කියද්දී මෙය අයි එස් අයි එස් සංවිධානයේ වැඩක් බව පරික්ෂණ යට ගැසිමට ගන්නා උත්සාහයක් දැයි සැක සිතෙන බව ද කීය.

රජය වහාම දේශීය බුද්ධි අංශ පණගැන්වීමට කටයුතු කළ යුතු බවත් මේ සිද්ීධන්ට ඇදාල දේශීය සබදතා ඇති සියලූ දෙනා අත් අඩංගුවට ගත යුතු බවත් කී ගමගේ මහතා ජනාධිපතිවරයාට හෝ අගමැතිවරයාට මෙහි වගකීමෙන් මිදිය නොහැකි බව ද කියා සිටියේය.

බුද්ධි අංශ සොයාගත් තොරත-ුරු බලධාරින්ට දෙනවා වෙනුවට ෆේස්බුක් සමාජ ජාලයට මුදා හැරියේ නම් මේ ජීවිතවලින් එකක් හෝ මෙසේ විනාශ නොවනු ඇතැයි ද ඔහු සදහන් කළේය.  

අහිංසක රටවැසියන් 300 කට අධික පිරිසක් මේ සිද්ධියෙන් මිය ගොස් ඇතැයි කී සභාපතිවරයා මේ පිරිස මිය ගියා නොව මරාගත්  බව කීම නිවැරදි යැයි ද සදහන් කළේය.

රාජ්‍ය සේවයේ ඉහළම නිලධාරින් සමහරු මේ තොරතුරු දැන සිටියත් නොසලකා හැර ඇතැයි පෙනී යන බවත් රාජිත සේනාරත්න අමාත්‍යවරයා පවසන අන්දමට නම් මේ පිළිබ`දව ඔහු සිද්ධියට විනාඩි 10 කට පෙර දැන සිට ඇතත් නිහඩව සිට ඇතැයි ද පැවැසීය.

අඩුම ගණනේ එම අවස්ථාවේ හෝ පල්ලියේ පියතුමන්ට හෝ දුරකථන ඇමතුමක් දුන්නේ නම් මේ ජීවිත වලින් විශාල ප‍්‍රමාණයක් බේරාගත හැකිව තිබුණේ යැයි පැවසූ ගමගේ මහතා මේ තරම් පිරිසක් මිය ගොස් සිටියදීත් ඇමතිවරුන් මාධ්‍ය හමු තබමින් සතුටින් සිනාවෙමින් ෆන් ගන්නා වෙනත් රටක් නැති බව ද කියා සිටියේය.