(ප්‍රසන්න පත්මසිරි)

බිබිලේ ප්‍රදේශයේ අවාරයේ හටගත් පැණි දොඩම් වගාවට කිසියම් කෘමී උවදුරක් හේතුවෙන් කුණු වි වැටෙන බව ගොවීහු පවසති.  

බුළුපිටිය,පිටකුඹුර, හමනව,නාගල,සේරව,නෙල්ලියද්ද,ගල්ගමුව යන ගම්මාන වල දොඩම් වගාව බහුලව තිබේ.

මෙවර අවාරයේ හටගත් දොඩම් ගෙඩිවල කිසියම් කෘමියකු යුෂ උරාබීම නිසා කුණූවී බිමට වැටෙන බව ගොවීන් පවසන අතර සුද පාට සළඹයකු දොඩම් ගස්වල විශාල වශයෙන් සිටින බව ගොවීන් කියයි.

මේ පිළිබදව බිබිල කොටගම ප්‍රාදේශීය ගොවිජන සංවර්ධන නිලධාරි සුනිල් දොඩම්පගේ මහතාගෙන් විමසු විට මෙසේ පැවසීය. මේ දින වල මේ ප්‍රදේශවල දොඩම් අවාරයේ හැදී තිබෙනවා.සලඹයෙක් තමයි ගෙඩියට හානි කරන්නේ.සවස 6-7ට විතර තමයි මේ සතා ඵළදාවට හානි කරන්නේ.කිසිම බෙහෙතක් නෑ.ගිනි මැලයක් ගැසිය යුතුයි,සතාගේ තුඩ අගල් දෙකක් විතර තියෙනවා.ගෙඩියට විදලා දවස් දෙකෙන් ගෙඩිය බිමට වැටෙනවා.කෘමිනාෂක නෑ.ගොවීන් කළ යුත්තේ සවස් වෙද්දී වගා භුමි වල ගිනි මැල ගැසීමයි.