(නිමන්ති රණසිංහ)
 
ශී‍්‍ර ලංකා මහ බැංකුව විසින් බැදුම්කර නිකුතුවේදී අක‍්‍රමිකතාවක් සිදුකර රජයට පාඩු කළැයි කියන සිද්ධියට අදාළ පර්පෙචුවෙල් ටෙ‍්‍රෂරීස් සමාගම් සමූහයේ අධ්‍යක්ෂක අර්ජුන් අලෝසියස්, එහි ප‍්‍රධාන විධායක නිලධාරී කසුන් ඖෂධී පලිසේන ඇතුලූ අධ්‍යක්ෂ මණ්ඩලය සම්බන්ධ නඩුව ලබන ජුනි මස 28 වැනිදා තෙක් කල් තැබීමට කොළඹ ප‍්‍රධාන මහේස්ත‍්‍රාත් ලංකා ජයරත්න මෙනෙවිය අද (29)  නියෝග කළාය.
 
මෙම සිද්ධිය සම්බන්ධ නඩුව අධිකරණය හමුවේ යළි කැදවූ අවස්ථවේදී සැකකරුවන් වූ පර්පෙචුවෙල් ටෙ‍්‍රෂරීස් සමාගම් සමූහයේ අධ්‍යක්ෂක අර්ජුන් අලෝසියස්, එහි ප‍්‍රධාන විධායක නිලධාරී කසුන් ඖෂධී පලිසේන, එහි සභාපති ජෙෆ්රි ජෝෂප් ඇලෝෂියස්, එම සමාගම් සමූහයේ අධ්‍යක්ෂ පුෂ්ප මිත‍්‍ර ගුණවර්ධන, චිත‍්‍රා රන්ජන් හුලූගල්ල, මුත්තුරාජා සුරේන්ද්‍රන් සහ ශ්‍රී ලංකා මහ බැංකුවේ හිටපු නියෝජ්‍ය අධිපති පී. සමරසිරි යන අය අධිකරණය හමුවේ පෙනී සිටියහ.