(ආරියරත්න රණබාහු)

කල් තැබීමේ යෝජනාවක් ලෙස ඒකාබද්ධ විපක්ෂය පාර්ලිමේන්තුවට ඉදිරිපත් කිරීමට තිබූ ජිනීවා යෝජනාව සම්බන්ධයෙන් විවාදයක් මතුවීම හේතුවෙන් පාර්ලිමේන්තුව අද (6) විනාඩි 55කට සීමාවිය.
ජිනීවා යෝජනා සම්බන්ධයෙන් ඒකාබද්ධ විපක්ෂයට ලැබී තිබූ කාලය විනාඩි 39ක් බවත් එය ප්‍රමාණවත් නොවන බවත් කියමින් මන්ත්‍රී දිනේෂ් ගුණවර්ධන පාර්ලිමේන්තුවේදී ප්‍රශ්න කළ අතර එය එක්සත් ජනතා නිදහස් සන්ධානය සමග බේරා ගත යුතු දෙයක් බව කථානායකවරයා ඔහුට දැන්වීය.
නමුත් ඒකාබද්ධ විපක්ෂයේ බාධා කිරීම් හමුවේ පාර්ලිමේන්තුව හෙට (7) පෙරවරු 10.30 තෙක් කල්තැබීමට කථානායකවරයා ක්‍රියා කළේය.