(සුජිත් හේවාජූලිගේ)

"බෞද්ධ ඉතිහාසය",පාසල් විෂය මාලාවට එක්කරන්නැයි මහරගම සිරි වජිරඥාන ධර්මායතනාධිපති, ආචාර්ය මහරගම ධම්මසිරි නායක හිමියෝ, අධ්‍යාපන අමාත්‍ය දිනේෂ් ගුණවර්ධන මහතාගෙන් ඉල්ලීමක් කළහ. රටට අනාගතයක් ඇත්තේ දරුවන්ගේ ආධ්‍යාත්මය නිවැරදිව සකස් කිරීමෙන් පමණක් බව ධම්මසිරි නාහිමියෝ ප්‍රකාශ කළහ.

මාලේවන ධර්මවිජය ස්වාමීන් වහන්සේගේ ( පෙර, අනගාරික ධර්මසේකරතුමා) ජන්ම දිනය නිමිත්තෙන්, අධ්‍යාපන අමාත්‍ය දිනේෂ් ගුණවර්ධන මහතාගේද සහභාගිත්වයෙන්, කෝට්ටේ නාග විහාරයේදී, සංවිධාන කෙරුණ බෝධි පූජා පින්කමේදී අනුශාසනාවක් කරමින්, ධම්මසිරි හිමියෝ මෙම ඉල්ලීම කළහ.‍

" අපේ අධ්‍යාපන ඇමතිතුමා මෙතන ඉන්නවා. අපේ අධ්‍යාපන ඇමතිතුමා බොහෝ පිරිසිදු , කිසිම චෝදනාවක් නැති, කිසිම වංචාවකට චෝදනාවක් නැති පිරිසිදුව දේශපාලන කරන කෙනෙක්. එහෙම අය තව එක්කෙනෙක් දෙන්නෙක් ඇති. ඉතිං, ඒ වගේ මහත්මකුට හොඳ කාර්යභාරයක් තියෙනවා මේ වෙලාවෙදි කරන්න. අධ්‍යාපන ඇමැතිතුමාට තමයි අයිති සියලු ම පාසල්, විශ්ව විද්‍යාල. අපේ ස්වාමීන් වහන්සේලාගේ අදහස් අරගෙන විශේෂයෙන් ම විෂයයක් හැටියට ආරම්භ කළොත් හොඳයි ‌"බෞද්ධ ඉතිහාසය" කියන විෂය.

ලංකාවේ බෞද්ධ ඉතිහාසය හැම දරුවකුට උන්වන්න ඕන, විෂයක් විදියට. මේ ළමයින්ගේ හිත් හදන්න ඕන. ළමයි හැදුවොත්, ළමයින්ගේ හිත හැදුවොත්, ළමයින්ගේ අධ්‍යාත්මය හැදුවොත් පමණයි මේ රටට අනාගතයක් ඉතිරි ව,න්නේ. ඒ් නැතිව සියල්ල ම සල්ලි පමණයි කියන හැඟීමක් ආපු කාලයක් තිබුණා. බණ පොත්, සංදේශය කාව්‍ය, උමන්දාව ආදි පොත්පත්, සුභාෂිතය, ලෝවැඩ සඟරාව පාසල්වල භාවිත කළා. නමුත් ඒකතරා යුගයක් ආවා.

මම පෞද්ගලිකව නම් කියන්නේ නෑ, කවුරුත් දන්නවා. ඒ් කාලේදී සාහිත්‍ය කන්නද කියල ඒ්වා ඔක්කොම අයින් කළා. අයින් කළාට ඊට පස්සෙත් ආපු කිසිම රජයක් ඒ්වා නැවත ගත්තේ නැහැ. ඒ්වා නැවත අධ්‍යාපන පද්ධතියට ඒකතු කළා නම් මේ තරම් විශාල විනාශයක් සිද්ධ වෙන්නේ නැහැ. ඒ් නිසා ම මුදල්වලට ඕනෑම පාප ක්‍රියාවක් කිරීමට අද සමාජය පත්වෙළා තියෙනවා. ඒ්වයින් අපි ගැලවෙන්නට ඕන. "