(යසන්ත ආරියසේන)

හම්බන්තොට කටුවන ජාතික පාසලේ සිසුන් රැගත් බස්රථයක් හදුගල හිගුරවත්ත පාලම අසලදී අනතුරකට පත්වී බරපතල තත්වයේ සිටි සිසු සිසුවියන් විසි දෙදෙනකු ලබා රෝහලගත කර ඇතැයි වලස්මුල්ල පොලිසිය පවසයි.

කටුවන ජාතික පාසලේ සිසු සිසුවියන් රැගත් බස් රථය දෙයියන්දර නියදගලට  වාරිකාවකට ගොස් පැමිනෙමින් සිටියදි මෙලෙස අනතුරට පත්ව ඇත.

අනතුරන් තුවාල ලබා බරපතල තත්වයේ සිටින සිසුන් දෙදෙනකු කරාපිටිය රෝහලටත් එක් අයකු මාතර මහ රෝහලටත් තවත් විසි තුන්දෙනකු වලස්මුල්ල මූලික රෝහලේ සහ කිරම ප්‍රාදේශිය  රෝහලට ඇතුලත් කර ඇතැයි පොලිසිය පවසයි.

දෙයියන්දර නියදගලට ගොස් ආපසු පැමිනෙමින් තිබු බස් රථයේ කාර්මික දෝෂයක් හේතුවෙන් අඩි සියයක් පමන පහලින් ඇති හෙලකට වැටිම නතර කර ගැනීමට මාර්ගයේ අනෙක් පසින් පිහිටි කණ්ඩියට දෙසට හරවා විශාල අනතුරක් සිදුවීම වලක්වා ගැනීමට බස් රථයේ රියදුරු සමත්ව ඇති බව මූලික විමර්ශණයෙන් අනාවරණය වන බවත් වැඩිදුර වමර්ශන සිදුකරන බව පොලිසය සදහන් කරයි.