(සුජිත් හේවාජුලිගේ සහ අංජුල මහික වීරරත්න)
ආගමන විගමන දෙපාර්තමේන්තු පරිශ්රයේ සවිකිරීම සඳහා මිලදීගෙන ඇති සීසීවී කැමරා සවි නොකර වසර හයක් තිස්සේ ගබඩාවක විනාශ වෙමින් පවතින බව රජයේ ගිණුම් පිළිබඳ පාර්ලිමේන්තු කාරක සභාවේදී තොරතුරු අනාවරණය විය.
සමහර නිලධාරීන් මෙවැනි ආයතන වල කැමරා උපකරණ සවි කිරීමට විරුද්ධ බවද කාරක සභාව පවසයි.
එම කැමරා සම්බන්ධයෙන් කඩිනම් පියවර ගෙන එහි ප්රගතිය ලබන මැයි මස 15 දිනට පෙර දැනුම් දෙන ලෙස කාරක සභාවේ සභාපති රාජ්ය අමාත්ය ලසන්ත අලගියවන්න මහතා ආගමන විගමන දෙපාර්තමේන්තුවේ නිලධාරීන්ට දැනුම් දුන්නේය.
පසුගිය 2014 වසරේදී මිලදීගෙන ඇති මෙම කැමරාවලට අවශ්ය උපාංග බොහොමයක් නොමැති බවද මෙහිදී තොරතුරු අනාවරණය විය.
මේවා මිලදී ගැනීමට මැදිහත් වූ නිලධාරීන් මේ වනවිට ස්ථාන මාරුවීම් ලබා ගොස් සිටින බවද සඳහන් විය
මේ අතර ගුවන්තොටුපොළ ඊගේට් පහසුකමට අදාළ උපාංග මිලදී ගැනීම සඳහා ආගමන විගමන දෙපාර්තමේන්තුවේ නියෝජිතයකු සම්බන්ධ කරන ලෙස සිවිල් ගුවන් සේවා අධිකාරිය දැනුම් දී තිබුණද තවමත් ඒ සඳහා පියවර නොගැනීම සම්බන්ධයෙන් කාරක සභාවේ අප්රසාදය පළවිය.
විද්යුත් ගමන් බලපත්රය නිකුත් කිරීම වසර හතරක් තිස්සේ ප්රමාද වීම පිළිබඳවද මෙහිදී අවධානය යොමුවිය. 2020 වසරේ ආරම්භ වී ඇති මෙම ප්රසම්පාදන කටයුතු අවසන් අදියරේ පවතින බව නිලධාරීහු පෙන්වා දුන්හ. එම කටයුතු කඩිනමින් අවසන් කරන ලෙස කාරක සභාව නියෝග කළේය.
රුසියානු සහ යුක්රේන ජාතිකයන් වීසා අවසන් වීමෙන් පසුවද මෙරට රැඳී සිටිමින් දකුණු ප්රදේශවල ව්යාපාර කටයුතු වල නිරතවීම පිළිබඳව ද මෙහිදී සාකච්ඡා කෙරිණ.මෙම පුද්ගලයන් ජීවත් වන ස්ථාන තහවුරු කර ගැනීමේ ගැටළු පවතින බව නිලධාරීහු පැවසූහ. මේ අනුව මේ සම්බන්ධයෙන් තොරතුරු ලබාදීම සඳහා ක්ෂණික ඇමතුම් අංකයක් හඳුන්වා දී ජනතාවගේ සහාය ලබා ගැනීමට කාරක සභාව නිර්දේශ කළේය.
මෙම රැස්වීමට රාජ්ය අමාත්යවරුන් වන මොහාන් ප්රියදර්ශන සිල්වා ප්රසන්න රණවීර ඩයනා ගමගේ පාර්ලිමේන්තු මන්ත්රීවරුන් වන හෙක්ටර් අප්පුහාමි තිස්ස අත්තනායක ජේසි අලවතුවල වීරසුමන වීරසිංහ මධුර විතානගේ වෛද්ය උපුල් ගලප්පත්ති මේජර් ප්රදීප් උඳුගොඩ සහ කරුණාදාස කොඩිතුවක්කු යන මහත්වරුන් ඇතුළු පිරිසක්ද සහභාගි වූහ.
මීට මාස එතහමාරකට පමණ පෙර විදේශ ගතවන අවස්ථාවේ තමා ඝාතනය කිරීමට පිරිසක් උත්සාහ කළ බවට සැකයක් ඇතැයි, හිටපු වාරිමාර්ග හා ක්රීඩා ඇමති රොෂාන් රණසිංහ මහතා අ
යාපනය පුන්කුඩිතිව් රෝහල ආසන්නයේ තිබී මිනිස් අස්ථි කොටස් තොගයක් හමුවූ බව උර්කාවතුර පොලිසිය සඳහන් කරයි.
2024 මාර්තු මාසයේ දී පොල් ආශ්රිත නිෂ්පාදන අපනයනයෙන් රුපියල් මිලියන 19131ක ආදායමක් ඉපයීමට හැකි වූ බව පොල් සංවර්ධන අධිකාරිය පවසයි.
ඩුබායි රාජ්යයට පලාගොස් සැඟව සිට මෙරට මහා පරිමාණ මත්ද්රව්ය ජාලය මෙහෙයවන ශිරාන් භාෂික් නැමත්තාගේ ප්රධාන ගෝලයෙකු හා කාන්තාවක රුපියල් කෝට් පහළොවකට
දකුණු පළාත් ආණ්ඩුකාරවරයා ලෙස ලක්ෂ්මන් යාපා අබේවර්ධන මහතා මීට සුළු මොහොතකට පෙර ජනාධිපති රනිල් වික්රමසිංහ මහතා ඉදිරියේ දිවුරුම් දුන්නේය.
කම්කරුවන් සඳහා අනාගතයක් සදා දුන් එකම පක්ෂය එක්සත් ජාතික පක්ෂය යැයි එජාප නියෝජ්ය නායක ජනාධිපති ජ්යෙෂ්ඨ උපදේශක රුවන් විජයවර්ධන මහතා පැවසීය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පාස්පෝට් කන්තෝරුවේ cctv කැමරා ගබඩාවේ දිරලා
කාක්කා Wednesday, 10 April 2024 07:07 AM
සීසිටීවී හයි කරනවාට අපි විරුද්ධයි. ඒක වැඩකරන සේවකයන්ගේ අයිතිවාසිකම් උල්ලංඝනය කිරිමක්. එහෙම කලොත් අපි වැඩවර්ජනයක් කරනවා