( ගම්පහ තිලකරත්න දිසානායක.)
ගම්පහ නගරයේ පාළු ප්‍රදේශයක අශෝභන ලෙසින් සිටි පාසල් සිසුවියක (15) සහ සිසුවකු (17) පොලිස් භාරයට ගෙන මවුපියන් කැඳවූ අවස්ථාවේ  සිසුවියගේ මව ලෙස සිසුවාගේ නැන්දා පෙනී සිටී ඇති බවත් පොලිසිය නොමැග යැවීමේ චෝදනාව මත  ඇය අත් අඩංගූවට ගත් බවත්  ගම්පහ පොලිසිය කියයි.
සති අන්ත දිනයන්හිදී ගම්පහ නගරයට 80000 කට අධිධික තරුණ සිසුන් පිරිසක් පැමිණෙන බැවින් ගම්පහ කොට්ඨාස භාර ජ්‍යෙෂ්ඨ පොලිස් අධිකාරී මුදිත පුස්සැල්ල මහතාගේ උපදෙස් පරිදි සිදු කෙරෙන සෝදිසි වැඩ පිළිවෙල යටතේ ඉකුත් ඉරිදා (16) දහවල් ගම්පහ නගරය ආශ්‍රිතව පිහිටි ලැගූම්හල්,  සිනමාශාලා සහ පාලු ස්ථාන සෝදිසියට ලක් කළේය. ඒ අනවු නව මිනුවන්ගොඩ මාර්ගය ආසන්නයේ පාළු ප්‍රදේශයක අශෝභන ලෙසින් සිටි මෙම  සිසුවිය සහ සිසුවා පොලිස් භාරයට ගෙන ඇත.
පොලිස් බාරයට ගත් සිසුවා සහ සිසුවිය ඔවුන්ගේ මවුපියන්ට බාරදීම සඳහා ඔවුන්ගේ මවුපියන් කැඳවීමට පියවර ගත්තේය. ඒ සිසුවාගෙන් හා සිසුවියගෙන් ලබාගත් දුරකතන අංකයවලට අනුවය.  දැරියගේ මව ලෙසට පොලිසියට පැමිණි කාන්තාවගේ හැසිරීම ගැන  සැකසිතූ කාන්තා හා ළමා කාර්යාංශයේ ස්ථානාධිපතිනී පොලිස් පරීක්ෂිකා සමන්ති රේනුකා මහත්මිය එම කාන්තාවගෙන් සිදු කළ ප්‍රශ්න කිරීමේදී  එම කාන්තාව දැරියගේ මව නොව පෙම්වතාගේ පියාගේ නැගනිය ය බවට හෙළිවිය.