පොලිස්පති විසින් පොලිස් ස්ථානාධිපතිවරුන් පත්කිරීමේ සම්ප්‍රදාය වෙනස් කර එම බලය නීතිය හා සාමය අමාත්‍යංශයේ ලේකම් වෙත පවරා ඇතැයි පොලිස් ආරංචි මාර්ග කියයි.

ඒ අනුව පුරප්පාඩු පැවැති පොලිස් ස්ථාන 17කට නීතිය හා සාමය අමාත්‍යංශයේ ලේකම්වරයා විසින් නව ස්ථානාධිපතිවරු පත් කරනු ලැබූහ.

පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී අජිත් රෝහණ මහතා පැවසුවේ පොලිස්පතිගේ නිර්දේශ මත නීතිය හා සාමය අමාත්‍යංශයේ ලේකම්වරයාගේ අනුමැතිය අනුව එම පත්වීම් කළ බවයි.

හැටන් මූලස්ථාන පොලිස් පරීක්ෂක ලෙස ප්‍රධාන පොලිස් පරීක්ෂක ටී එම් එන් ඒ බී තොටගොඩවත්ත මහතාත්, කොටුව පොලිස් ස්ථානාධිපති ලෙස ප්‍රධාන පොලිස් පරීක්ෂක ඩබ්ලිව් එම් එම් එස් පී කේ ගුණරත්න මහතාත්, පිටකොටුව පොලිස් ස්ථානාධිපති ලෙස ප්‍රධාන පොලිස් පරීක්ෂක එන් ජයසුන්දර මහතාත් පත් කරනු ලැබ සිටිති.

දෙමටගොඩ පොලිස් ස්ථානාධිපති ලෙස ප්‍රධාන පොලිස් පරීක්ෂක යූ පී පී ඒ මහින්දසිරි මහතා ද, බම්බලපිටිය පොලිස් ස්ථානාධිපති ලෙස ප්‍රධාන පොලිස් පරීක්ෂක එච් ඒ ඩී එස් කේ පෙරේරා මහතා ද, කළුතර දකුණ මූලස්ථාන පොලිස් පරීක්ෂක ලෙස ප්‍රධාන පොලිස් පරීක්ෂක සම්පත් බණ්ඩාර මහතා ද, ගල්කිස්ස මූලස්ථාන පොලිස් පරීක්ෂක ලෙස සී ඩබ්ලිව් ඉද්දමල්ගොඩ මහතාද පත් කරනු ලැබූහ.

ප්‍රධාන පොලිස් පරීක්ෂක බී එම් ආර් කේ බී බාලසූරිය මහතා යාපනය මූලස්ථාන පොලිස් පරීක්ෂක ලෙස ද, ප්‍රධාන පොලිස් පරීක්ෂක එන් වී ලෝරන්ස් මහතා කන්කසන්තුරේ මූලස්ථාන පොලිස් පරීක්ෂක ලෙස ද, ප්‍රධාන පොලිස් පරීක්ෂක එච් එස් එම් කල්දේරා මහතා මාතර මූලස්ථාන පොලිස් පරීක්ෂක ලෙස ද, ප්‍රධාන පොලිස් පරීක්ෂක ජී අයි එස් බී ඒකනායක මහතා කටුනායක පොලිස් ස්ථානාධිපති ලෙස ද, ප්‍රධාන පොලිස් පරීක්ෂක වයි එම් යූ එස් යාපා මහතා චීන වරාය පොලිස් ස්ථානාධිපති ලෙස ද, ප්‍රධාන පොලිස් පරීක්ෂක ඒ ඒ ඩී එල් සඳසිරි මහතා මුන්දලම පොලිස් ස්ථානාධිපති ලෙස ද, පොලිස් පරීක්ෂක අයි ටී බී දෙකන්දූවල මහතා රඹුක්කන පොලිස් ස්ථානාධිපති ලෙස ද, පොලිස් පරීක්ෂක කේ පී එබ්ලිව් ප්‍රේමලාල් මහතා වැලිකන්ද පොලිස් ස්ථානාධිපති ලෙස ද, පොලිස් පරීක්ෂක ඩබ්ලිව් එම් ඒ ලක්රුවන් මහතා පල්ලම පොලිස් ස්ථානාධිපති ලෙස ද පොලිස් පරීක්ෂක කේ එච් සී සී කුමාරසිංහ මහතා සාලියවැව පොලිස් ස්ථානාධිපති ලෙස ද පත්කරුනු ලැබූහ.