පැල්මඩුල්ල පොරෝණුව ග‍්‍රාම නිලධාරී වසමට අයත් පොරෝණුව වත්ත උඩ කොටසේ අංක තුන ලයින් කාමරවල පදිංචි පවුල් තිස් පහක පුද්ගලයින් 130ක්  ඉරිදා (22) සවස එම ස්ථානවලින් ඉවත් කළ බව රත්නපුර දිස්ත‍්‍රික් ආපදා කළමනාකරණ මධ්‍යස්ථානය පවසයි.

මෙම ලයින් කාමර පිහිටි ස්ථාන 2014 නොවැම්බර් මාසයේ ගොඩනැගිලි හා පර්යේෂණායතනය කළ නිරීක්‍ෂණවලදී නායයාමේ අවදානම් සහිත ස්ථාන බවට හඳුනාගෙන ඇති ස්ථානයක් බවද එම මධ්‍යස්ථානය කියයි.

අධික වැසි දිනවල දී එතැනින් ඉවත්වන ලෙස පදිංචිකරුවන්ට දැනුම් දී තිබූන බවද ලයින් කාමර ආසන්නයේ පිහිටි ගස් කිහිපයක් ඉබේ ඉදිරි වැටුණ නිසා බියපත් වූ වැසියන් ඒ බව ග‍්‍රාම නිලධාරීවරයාට දැනුම් දීමෙන් පසු ප‍්‍රාදේශීය ලේකම්වරයාගේ උපදෙස් මත වහාම ඔවුන් තාවකාලිකව ඉවත් කළ බවද කියති.

ඉවත්කළ පිරිස් දැනට පොරෝණුව දෙමළ විද්‍යාලයේ රඳවා සිටිති.