(සුජිත් හේවාජුලිගේ)

පාර්ලිමේන්තුවේ දිනකට කඩදාසි කිලෝ 1200ක් පමණ භාවිත කෙරෙන බව මෑතකදී කළ අලුත්ම අධ්‍යයනයකදී සොයාගෙන ඇත.

මේ අතර පාර්ලිමේන්තුවේ හැන්සාඩ් මුද්‍රණය සඳහා දිනකට රුපියල් කෝටියකට ආසන්න මුදලක් වැය වන බවද හෙළිවී ඇත.

පාර්ලිමේන්තුවේ දිනකට වැය කෙරෙන කඩදාසි නිපදවීම සඳහා අඩි 40 ගස් තිස්හතක් කපා දැමීමට සිදුවන බව පරිසර විශේෂඥයෝ පවසති.

කඩදාසි වලින් තොර පාර්ලිමේන්තුවක් බිහි කිරීම සඳහා පරිසර අමාත්‍යාංශය විශේෂ වැඩපිළිවෙළක් ඊයේ ආරම්භ කළේය.

මේ වැඩපිළිවෙළ සම්බන්ධයෙන් අදහස් දැක්වූ පරිසර අමාත්‍ය මහින්ද අමරවීර මහතා පැවසූවේ මන්ත්‍රීවරයා පවා වැසෙන ප්‍රමාණයට පාර්ලිමේන්තුවේ සභා ගර්භයේ මන්ත්‍රී මේස මත පොත්පත් පිරී ගොස් ඇති බවයි.

මෙය විශාල මුදල් නාස්තියක් මෙන්ම පරිසර දූෂණයක් බවද හෙතෙම පෙන්වා දුන්නේය.