පූර්ණ එන්නත්කරුවකු වන්නේ මෙහෙමයි

(යොහාන් භාසුර)

මාස හයක (6) කාලයක් තුළ ‘කොවිඩ්’ මර්දන එක එන්නතක් ලබාගෙන ‘කොවිඩ්’ ආසාදනය වූ සංචාරකයින්, ද්විත්ව පුරවැසිභාවය හිමි පුද්ගලයන් ඇතුළු සියලු දෙනා පූර්ණ එන්නත්කරණයට ලක්වූවන් ලෙස සළකන බව සෞඛ්‍ය අමාත්‍යංශය නිවේදනය කරයි.

ශ්‍රී ලංකාවට පැමිණීමෙන් පසු ගුවන්තොටුපළ හරහා සිදුකෙරෙන පී.සී.ආර්. පරීක්‍ෂණයේදී සීටී අගය 30 ට අඩු පරීක්‍ෂණ වාර්තා හිමි සංචාරකයෙක් සහ ශ්‍රී ලාංකිකයන්ට දින 7 ක නිරෝධායන කාලයකට යටතේව ගුවන්තොටුපළෙන් පිටවීමටත්, සම්පූර්ණ එන්නත්කරණයට ලක්වූ දෙම්පියන් සමඟ පැමිණෙන වයස අවුරුදු 12 ට අඩු දරුවන් සම්පූර්ණයෙන්ම ‘කොවිඩ්’ පරීක්‍ෂණවලින් මුදාහැරීමටත්, වයස අවුරුදු 12 ත් 18 ත් අතර එක් එන්නතක් පමණක් ලබාගත් දරුවන්ට දෙමව්පියන් සමඟ බැහැරවීමට අවසර දෙන බව නව මාර්ගෝපදේශවල සඳහන් වේ.

කොවිඩ් අවදානය ඇති රටවල්වලින් පැමිණෙන සංචාරකයන්ගේ නිරෝධනය කාලය ඔවුන්ගේ වාර්තා මත තීරණය වන බවත් ඇතැම් විට ඔවුන්ගේ නිරෝධායන කාලය දින 7 සිට 14 දක්වා විය හැකි බවත් එහි සඳහන් වේ.

‘කොවිඩ්’ වයිරසය නැවත හිසඔසවමින් තිබියදී ඊයේ (27) විදේශ සංචාරකයන් වෙනුවෙන් නව කොවිඩ් මාර්ගෝපදේශ මාලාවක් ඉදිරිපත්කරමින් සෞඛ්‍ය අමාත්‍යංශය එසේ පවසයි.

අදහස් (6)

පූර්ණ එන්නත්කරුවකු වන්නේ මෙහෙමයි

Eranga Thursday, 27 January 2022 08:03 PM

ඩොලර් නැතිකමට කොරෝනා වවාගෙන කෑම...

: 1 2

Sriland Friday, 28 January 2022 02:33 AM

මේවාවලින් තවත් රට වලපල්ලට යනවා.

: 1 3

Rama Friday, 28 January 2022 04:49 AM

එතකොට එන්නත් තුනම ගහගෙන (booster එකත් එක්ක), පැය 72කට කලින් කරපු PCR එක නෙගටිව් කියලා සහතිකය තිබෙන අයට රෝග ලක්ෂණ පෙන්නන්නේ නැත්නම් කොළඹදි PCR කරනවාද? ඒක පැහැදිලි නෑ.

: 1 1

Sanath italy Friday, 28 January 2022 01:41 PM

ඔය කියලා තියෙන්නේ එක එන්නතක් පමණක් ගත්තු අයට. එන්නත් දෙක හෝ බූස්ටර් සමග එන අයට පැය 72කේ පී.සී.ආර්. එක පමණක් ප්‍රමාණවත්. සම්පූර්ණ එන්නත් කරණයට ලක්වූ බූස්ටර් එක සමග හෝ එන්නත් දෙක පමණක් ලබාගත් දෙමාපියන් සමග පැමිණෙන වයස 12ට අඩු දරුවන්ට දෙමාපියන් සමග පිටවිය හැකියි පැය 72 පී.සී.ආර්. එක සමග... නමුත් දින 7ක් නිවසේ සිටිය යුතුයි (නමට පමණක්) බලන්න කවුරුත් එන්නේ නැහැ . ඒක අපේ වගකීම. වගකීම ඉටුකිරීම හෝ පැහැර හැරීම ඔබට බාරයි.

: 1 0

සනත් ඉතාලිය Friday, 28 January 2022 03:17 PM

දැන් මේකට ඩිස්ලයික් එක දාපු කෙනා කවුද? ඔයා වැක්සීන් එකක්වත් නොගහා හොර පාරෙන්ම රටට ඇතුල් වෙන්න ඉන්න එකෙක් නේද?

: 0 0

නිමල් Saturday, 29 January 2022 04:25 AM

එන්නත්කරුවා යනු එන්නත් ලබාගත් තැනැත්තා නම් එන්නත් ලබා දෙන්නාට කියන්නේ කවුරු කියාද? එන්නත්ලාභියා... නේද?

: 0 0