රුපියල් පනස් එක් ලක්ෂ අසු අට දාස් දෙසිය හැට හතක් වටිනා විදේශ මුදල් තොගයක් ගමන් මල්ලේ සඟවාගෙන ඉන්දියාවේ චෙන්නායි බලා යාමට පැමිණි  ඉන්දියන් ජාතිකයෙක්  කටුනායක බණ්ඩාරණායක ජාත්‍යන්තර ගුවන් තොටුපොළේදී රේගු නිලධාරින් විසින් අත් අඩංගුවට ගනු ලැබීය.

සැකකරු ඉන්දියාවේ චෙන්නායි නුවර පදිංචි 31 හැවිරිදි තරුණයෙකි.

ඔහු ලඟ තිබී ස්ටාලින් පවුම් 4000 ක් සහ  යුරෝ 28000 ක් සොයාගත් බව රේගුව කියයි.

සැකකරු ශ්‍රී  ලංකන් ගුවන් සේවයට අයත් යු.එල් 127 දරණ ගුවන් යානයෙන්  චෙන්නායි බලා යාමට පැමිණ සිටියදී අත් අඩංගුවට ගෙන ඇත.