(බිමල් ශ්‍යාමන් ජයසිංහ)

කොළඹ ප්‍රදේශයේ පෞද්ගලික බැංකුවක කොරෝනා ආසාදිත කාන්තාවක් පානදුර නගරය ආශ්‍රිත වෙළඳසැල් හතරකට ආ ගිය බවට අනාවරණය වීමෙන් අනතුරුව එම වෙළඳසැල් 4 වසා දැමීමට පියවර ගත් බව පානදුර නගර සභාවේ මහජන සෞඛ්‍ය පරීක්ෂකවරු පවසති.

රෙදිපිළි වෙළඳසැලක්, සිංහල බෙහෙත් අලෙවිසැලක්, විදුලි උපකරණ ප්‍රදර්ශනාගාරයක් හා ජංගම දුරකථන අලෙවිසළක් ඒ අතර වන බව එම මහජන සෞඛ්‍ය පරීක්ෂකවරු පවසති.

එම වෙළඳසැල් 4 හි සේවක සේවිකාවන් මෙන්ම පානදුර මාළු අලෙවි වෙළඳසැල්වල ව්‍යාපාරිකයන් සහ සේවකයන්  ඇතුළු 120 ක් පමණ දෙනා අද (23) පානදුර සෞඛ්‍ය වෛද්‍ය නිලධාරී කාර්යාල භූමියේ දී  පි.සි.ආර්. පරීක්ෂණවලට භාජනය කිරීමට කටයුතු කළ බව නිලධාරීන් වැඩිදුරටත් පැවසූහ.