(ඩයනා උදයංගනී)
පෞද්ගලික රෝහල් නියාමනය කිරීම පෙබරවාරි 04 වැනිදා වන විට ආරම්භ කරන බව සෞඛ්ය, පෝෂණ හා දේශීය වෛද්ය අමාත්ය රාජිත සේනාරත්න මහතා පැවසීය.
ඒ යටතේ පෞද්ගලික රෝහල් වලින් ප්රතිකාර ලබාගන්නා රෝගීන්ට පුර්ණ සහනයක් ලබාදීමට පියවර ගන්නා බව ද අමාත්යවරයා සඳහන් කළේය.
පෞද්ගලික රෝහල්වල ප්රතිකාර ලබන විට ඇතැම් රෝගීන්ට ගැටලු රැසකට මුහුණ පාන්නට සිදුවන බව කී අමාත්යවරයා එසේ කොළඹ පෞද්ගලික රෝහලක ප්රතිකාර ලබන රෝගියෙක් තමාට කතා කර ඔහු මුහුණ දුන් ගැටලුවක් පැවසූ බව ද ප්රකාශ කළේය.
හෘද සැත්කමක් සදහා පෞද්ගලික රෝහලට ඇතුළත් වූ රෝගියාට පළමුව රුපියල් ලක්ෂ 07 ක මුදලක් වැය වන බව පවසා ඇති රෝහල සැක්කම සිදු කළ පසු රුපියල් ලක්ෂ 12 ක් ඉල්ලා ඇතැයි කී අමාත්යවරයා නමුත් රෝගී තත්ත්වය සුව නොවීම නිසා තවමත් රෝහලේ ප්රතිකාර ලබන ඔහුගේ බිල මේ වන විට රුපියල් ලක්ෂ 18 ක් වී ඇතැයිද අමාත්යවරයා කීවේය.
මෙවැනි සිද්ධීන් නිසා රෝගීන් දැඩි අසීරුතාවයට පත්වන බව කී අමාත්යවරයා පෞද්ගලික රෝහල් නියාමනය කළ යුත්තේ ඒ නිසා බව ද සඳහන් කළේය.
අමාත්ය රාජිත සේනාරත්න මහතා මේ බව පැවසුවේ රුපියල් මිලියන 3400 ක වියදමින් බේරුවල මුලික රෝහලේ ඉදිකිරීමට යෝජිත නව මහල් වෛද්ය වාට්ටු සංකීර්ණය සදහා මුල්ගල් තැබීමේ අවස්ථාවට ප්රධාන ආරාධිතයා ලෙස එක්වෙමිනි.
COMMENTS
Reply To:
Sisira - cb chds hcdsh cdshcsdchdhd
අද රටේ ලොකු වෙනසක් පෙනෙන්නේ ටිකින් ටික රෝහල් හා ඒ ආශ්රිතව බව වැටහෙන්නේ ඒ අත්දැකීම ලැබුවොත් පමණි, දේශපාලනිකව හෝ පුද්ගල අතීත මත නොඉඳ කිවයුතු දේ නම් ඇත්තටම රාජිත තමන් දන්නා විෂය යටතේ හොඳින් රාජකාරි කරන බවය. මෙය කාටවත් කඩේ යාමක් නොව අතීතයේ රෝහල් අත්දැකීමයි ලඟදි ලැබූ රෝහල් අත්දෙකිමයි මත කරන ප්රකාශයකි. එහෙයින් පෙනෙන්නේ ඉදිරිය හොඳ බවය.
ඔබතුමා ඉතා අපහසුවෙන් වෛද්ය, බෙහෙත්, පුද්ගලික රෝහල් මාෆියාවන් මැඩපැවැත්වීමට දරන උත්සාහයට අපගේ ප්රණාමය.!!!
මේක බොහොම හොඳයි. පුද්ගලික රෝහල් හරියට සල්ලි ගන්නවා. දොස්තරවරු රජයේ ඉස්පිරිතාලේ වැඩ කරන්නේ නැතිව මේවාට එන්න. පුළුවන් නම් එ්ක නවත්වන්න.
දොස්තර වර්ජන සහමුලින්ම අහෝසිකරන පනතක් ගෙනෙන්න. අඩුතරමින්වත් වර්ජික දොස්තරවරුන්ට එදිනට සහමුලින්ම චැනල් සේවාව තහනම් කරන්න.
දොස්තර මාෆියාවෙන් පෝෂණය ලබන පෞද්ගලික රෝහල් කළුකඩ මාෆියාවෙන් අසරණ ජනතාව ගලවා ගත හැක්කේ ගරු, රාජිත ඇමැතිතුමාට පමණයි. කරුණාකර අසරණ රෝගීන් හා රට වෙනුවෙන් ඒ යුතුකම ඉටු කරන්න...