(ඩබ්ලිව්.ඒ. අසේල)
 
පාත හේවාහැට සෞඛ්‍ය වෛද්‍ය නිලධාරි බල ප්‍රදේශයේ වෙළඳ සැල් 112ක් දින නියමයක් නොමැතිව වසා දැමීමට ප්‍රදේශයේ සෞඛ්‍ය වෛද්‍ය නිලධාරින් අද (05) තීරණය කර ඇත. මාරස්සන නගරයේ වෙළඳසැල් විශාල ප්‍රමාණයක් හා අවට ගම්වල වෙළඳසැල් ද ඒ අතර වේ.
 
අද දිනය තුල කොවිඩ්- 19 වෛරසය ආසාදිත රෝගීන් තිදෙනෙකු හමුවීමත් සමග ඔවුන් මෙම තීරණයට එළඹ ඇත.
 
මෙම තිදෙනා පසුගිය 31 වැනි දින කොවිඩ් 19 වෛරසය ආසාදනය වී ඇති බවට තහවුරු වූ අම්පිටිය කැවල  මාළු ව්‍යාපරිකයාගේ සහායකයින් වන අතර අනෙක් අය සහායකයෙකුගේ බිරිද වේ.
 
මොහු පෑලියගොඩින් මාලු ගෙනවිත්  කැටවල හා මාරස්සන ප්‍රදේශයේ මාලු වෙළඳසැල් පවත්වාගෙන යන  අතර  සහායකයන් තලාතුඔය අවට විශාල ගම් ප්‍රදේශයක ජංගම මාලු වෙළදාමේ නිරතවී ඇත.
 
ඒ අනුව ඔවුන්ගේ සමීපතමයින් සොයා ඔවුන් නිවෙස්තුලම නිරෝධායනයට ලක්කිරීමටත් ඔවුන්ගේ පිසිආර් පරීක්ෂණ සිදුකිරීමටත් පාත හේවාහැට සෞඛ්‍ය වෛද්‍ය නිලධාරි කාර්යාලය කටයුතු යොදා ඇත.