කටාර් ඉන්ධන පිරවුම්හල්වල අළෙවි කරන සියලු පැට්‍රෝල් ප්‍රබේධයන්ගේ වර්ගීකරණය ජූනි 1 වැනි දින සිට ක්‍රියාත්මක වන පරිදි සංශෝධනය කර ඇති බව කටාර් පැට්‍රෝලියම් සමාගම පවසයි.

ඒ අනුව නව වර්ගීකරණය යටතේ “සුපර්” සහ “ප්‍රිමියම්” යන පැට්‍රෝල් වර්ගවල ශ්‍රේණිය ජූනි පළමුවැනිදා සිට පිළිවෙළින් ඔක්ටේන් 95 (ඔක්ටේන් 97 සිට) සහ ඔක්ටේන් 91 (ඔක්ටේන් 90 සිට) යනුවෙන් සංශෝධනය වනු ඇත. ජාත්‍යන්තර ප්‍රමිති වර්ගීකරණයට අනුව නව වර්ගීකරණය සකස් කර ඇත්තේ ගල්ෆ් සහයෝගීතා කලාපයේ සහ ලොව බොහෝ රටවල දකින්නට ලැබෙන වර්ගීකරණයන්ට අනුරූපවය. සුපර් ඔක්ටේන් 95 සහ ප්‍රිමියම් ඔක්ටේන් 91 පැට්‍රෝල් උසස් තත්ත්වයේ ඉන්ධන ශ්‍රේණියක් වන නිසා ඒවා කටාර් හි භාවිතා කරන සියලුම පැට්‍රෝල් වාහනවලට යෝග්‍ය බව පෙන්වා දෙන කටාර් පැට්‍රෝලියම් සමාගම සුපුරුදු පරිදි වාහන සඳහා සුපර් සහ ප්‍රිමියම් පැට්‍රෝල්ම යොදා ගන්නා ලෙසට වාහන හිමියන්ට උපදෙස් ලබාදී ඇත.