නරක ගෑස්වලට හොඳ ගෑස් දෙන්නේ මෙහෙමයි

(යොහාන් භාසුර)

භාවිතා කළ ද ගෑස් අවසන් නොවූ දෝෂ සහිත බවට සැක සහිත ගෑස් සිලින්ඩර භාරදීමට කැමති පාරිභෝගිකයන්ගේ ඒවා භාරගත යුතු බවටලිට්‍රෝ සහ ලාෆ් යන ගෑස් සමාගම්වලට පාරිභෝගික සේවා අධිකාරියේ සභාපතිවරයා දැනුම්දී තිබේ.

එලෙස භාරගනු ලබන ගෑස් සිලින්ඩරවල ඉතිරි ගෑස් ප්‍රමාණය වත්මන් වෙළෙඳපොළ මිලට අනුව ගණනය කර එකී වටිනාකම නව ගෑස් සිලින්ඩරය මිලදී ගැනීමේදී අඩුකළ යුතු බවත් ගෑස් බෙදාහරින්නන් සහ නියෝජිතයන් ගෑස් සිලින්ඩර ආපසු බාරගැනීම ප්‍රතික්ෂේප කරන්නේ නම් පාරිභෝගික සේවා අධිකාරියේ 1977 ක්ෂණික දුරකථනයට හෝ දිස්ත්‍රික් නිලධාරීන්ට දැනුම් දියයුතු බවත් පාරිභෝගික සේවා අධිකාරියේ සභාපතිවරයා වැඩි දුරටත් කියයි.