(හර්ෂණ තුෂාර සිල්වා)


දිස්ත්‍රික්ක හතකට නායයෑමේ අවදානමක් තිබෙන බව සඳහන් කරමින් ජාතික ගොඩනැගිලි පර්යේෂණ ආයතනය අද 27 රතු නිවේදනයක් නිකුත් කළේය.

ඉදිරි පැය 24 කාලයේදීත් වර්ෂාපතනය අඛණ්ඩව පැවැතිය හොත් නායයෑමේ අවදානම සහිත කඳුබෑවුම්වලින් ඉවත් වන්නැයි ද එම ආයතනය මහජනතාවට දැනුම් දුන් අතර අදාළ නිවේදනය හෙට 29 දහවල් 1 දක්වා වලංගු වේ.


ඒ අනුව රත්නපුර, කෑගල්ල, ගාල්ල, කළුතර, මාතර, හම්බන්තොට සහ මහනුවර යන දිස්ත්‍රික්කවලට මෙම අවදානම පවතියි. නායයෑම් අවදානම තිබෙන දිස්ත්‍රික්ක හා ප්‍රාදේශීය ලේකම් කොට්ඨාශ මෙසේය.


රත්නපුර දිස්ත්‍රික්කය -
රත්නපුර, ඇලපාත, පැල්මඩුල්ල, කුරුවිට, ඇහැළියගොඩ, ඉඹුල්පේ, කිරිඇල්ල, අයගම, කහවත්ත, කලවාන, කොලොන්න හා නිවිතිගල


කෑගල්ල -
බුලත්කොහුපිටිය, දැරණියගල, යටියන්තොට හා දෙහිඕවිට


ගාල්ල -
බද්දේගම, යක්කලමුල්ල, නෙළුව, තවලම, නියගම සහ නාගොඩ


කළුතර -
බුලත්සිංහල, වල්ලාවිට, අගලවත්ත සහ බදුරලිය


මාතර -
කොටපොල, පස්ගොඩ, පිටබැද්දර සහ මූලටියන


හම්බන්තොට -
වලස්මුල්ල සහ කටුවාන


මහනුවර -
ගඟ ඉහ ඉද්දර කෝරළේ