ජ්යෙෂ්ඨ මාධ්යවේදී ධර්මන් වික්රමරත්න මහතා විසින් රචිත ජවිපෙ දෙවැනි කැරැල්ල කෘතිය අද කොළඹ තුන්මුල්ලේ ශ්රී සම්බන්ධ ජයන්ති මන්දිරයේදී එළි දැක්වීය.
නාරාහේන්පිට අභයාරාමාධිපති රාජ්ය සේවා එක්සත් හෙද සංගමයේ සභාපති මුරුත්තෙට්ටුවේ ආනන්ද හිමියෝ ද, හිටපු ජනපති මහින්ද රාජපක්ෂ මහතා ද ප්රධාන ආරාධිතයෝ වූහ.
කැලණිය විශ්ව විද්යාලයයේ ජනමාධ්ය අධ්යයන අංශයේ පීඨාධිපති රෝහණ ලක්ෂ්මන් පියදාස, අන්තර් විශ්ව විද්යාල ශිෂ්ය බල මණ්ඩලයේ හිටපු කැඳවුම්කරුවකු වන නීතීඥ උදුල් ප්රේමරත්න සහ විශ්ව විද්යාල ප්රතිපාදන කොමිෂන් සභාවේ හිටපු සභාපති මාහාචාර්ය ගාමිණී සමරනායක මහත්වරු දෙසුම් පැවැත්වූහ.
වසර 27කට පෙර පැවති ජවිපෙ දෙවැනි කැරැල්ලේ කතාව මෙම කෘතියට විෂය වන අතර එය පිටු 880කින් සමන්විතය. ඡායාරූප 1289ක් ඇතුළත්ය. ජවිපෙ දෙවැනි කැරැල්ලෙන් ඝාතනයට ලක්වූ සහ අතුරුදහන් වූ සංඛ්යාව 41,813ක් බව කතුවරයා කියයි..
මෙම ග්රන්ථයේ ඇතුළත් තොරතුරු අදාල පාර්ශව සමඟ කළ සම්මුඛ සාකච්ඡා 376කින් සහ ගවේෂණ මගින් සොයාගත් කරුණු වලින් සමන්විත බව කතුවරයා පවසයි.
ධර්මන් වික්රමරත්න මහතාගේ 52 වැනි කෘතිය මෙයයි.
පාලිත පෙරේරා වැඩසටහන මෙහෙයවීය.
COMMENTS
Reply To:
Sisira - cb chds hcdsh cdshcsdchdhd
ග්රන්ථකරණය නැවත හිස එසවීම ජාතියේ භාග්යයකි.(හේ)
ජවිපෙ 88-89 යේ කැරැල්ල ගැන පොතක් ලිවීම එහෙම නැතිනම් ආපහු හැරී බැලීම හොඳ වැඩක් . හැබැයි මට තියෙන ප්රශ්නය මේ අවස්ථාව සඳහා අද ජවිපෙ නායකයෝ කව්රුත් සහභාගී නොවුයේ ඇයි කියන එකයි . ඔවුන්ට ඒ සඳහා ආරාධනා කරලා නැතිද ? එහෙම නැතිනම් මේ පොත මගින් ඔවුන්ගේ දේශපාලනයට අවාසියක් වෙනවද ? මේ උත්සයට මහින්ද සහ මුරුත්තෙට්ටුවේ හාමුදුරුවන් සහභාගී වීම තුල මේ පොතෙන් මතුකරන දේශපාලන කරුණු සහ දේශපාලන වාසිය කොයි කඳවුරටද කියන එක ගැන අපිට ඉඟියක් දෙනවා නේද ? පොත කියවන්නේ නැතිව ඊට වඩා යමක් කියන එක සාධාරණ නැහැ .(බ)
ජවිපෙට මේ සඳහා ආරාධනාවක් ලැබුනේ නෑ. හරියට මේ පොතෙන් මහින්ද රාජපක්ෂගේ නුදුටු පැත්ත කාතා කරන්න යනවා වගේ.(ම)
එක්තරා කියමනක් තියෙනව යමක් ගැන ඉතිහාසය කියන්නා තුලින් ඔහුගේද ඉතිහාසය කියවෙනවා කියල.(බ)
ඇයි ඉතින් මේ වගේ දේකට එක පැත්තක විතරක් ඉන්න දේශපාලකයන් සම්බන්ධ කරගත්තේ? (නි)
88-89 භීෂණ වකවානුවේ අතුරුදහන් වූ තරුණ තරුණියන්ගේ ගණන 60,000 ඉක්මවන බව ඒ පිළිබඳව සොයා බැලීමට පත්කළ ජාත්යන්තර කොමිසම හෙළිදරව් කළා නේද? මේ වනතුරු කිසිම රජයක් අතුරුදහන්වුවන්ගේ සංඛ්යාලේඛන සකස් කරන්න මහන්සි නොවුණේ මියගිය මේ තරුණ තරුණියන්ගේ ජීවිත නොවටින නිසාද? (නි)
මේක හොඳ ප්රයත්නයක්. මේ කැරලි දෙක ගැනම අපේ රටේ සාහිත්යකරුවෝ කතාකරලා තියනවා මදි. (මගේ පුද්ගලික අදහස ) ඒ වගේම මේ කැරලි වලට මූලිකවුණ කරුණුත් තවම එහෙමමයි. තව කැරැල්ලක් ඇතිවුණොත් ඒක මහා ලේ වැගිරීමක් වෙන, වසර ගණනාවක් ඇදෙන එකක් වේවි. එහෙම වෙන්න නොදීම පාලකයන්ගේ වගේම ජනතාවගේත් පරම වගකීම වෙනවා (නි)