(ඉන්දිකා රාමනායක)

පොල්ගහවෙල උඩපොල ප්‍රදේශයේ ඇළක අලියකු නාවන අයුරු ඉවුරේ සිට බලා සිටී 08 හැවිරිදි දරුවකු ඔසවා ඇළට විසිකර තුවාල කිරීමේ සිද්ධියක් සම්බන්ධයෙන් උඩපොළ ග්‍රාම නිලධාරිවරයා අඩංගුවට ගත් බව පොලිසිය කියයි.

සැකකරුගේ එම ක්‍රියාවෙන්  දරුවා අස්ථි බිඳීමකට ලක්වීමෙන් රෝහල් ගත කර ඇති බවද පොලිසිය සඳහන් කරයි.

මෙම දරුවා  ඇළ ඉවුරේ සිට අලියා නාවන අයුරු බලා සිටියදී එම ස්ථානයෙන් ගමන් කරමින් සිටි සැකකරු දරුවා ඔසවා අලියා සිටින ස්ථානයට විසිකර ඇති බව ද පොලිසිය සඳහන් කරයි.

සිද්ධිය සම්බන්ධයෙන් දරුවාගේ මාපියන් පොලීසියට කරන ලද පැමිණිල්ලට අනුව පොලිසිය සැකකරු අත්අඩංගුවට ගෙන ඇත.

සැකකරු (54) හැවිරිදි පුද්ගලයකු බවත් ඔහු බීමතින් සිට ඇති බවත් පොලිසිය කියයි.