(යොහාන් භාසුර)
බස් ගාස්තු ඉහළ යෑම සහ ඉන්ධන අර්බුදය හේතුවෙන් දුම්රිය මගීන් සංඛ්යාව සියයට 50 කින් ඉහළ ගොස් ඇතැයි දුම්රිය නියෝජ්ය සාමාන්යාධිකාරී (ගමනාගමන) ගාමිණි සෙනෙවිරත්න මහතා පැවසීය.
මෙම තත්වය හමුවේ මගී තදබදය අඩු කිරීමට දුම්රිය කීපයකට අද(30) දිනයේ අමතර මැදිරි දෙක බැගින් එකතු කළ බව කී ගාමිණි සෙනෙවිරත්න මහතා තවත් දුම්රිය කීපයකට හෙට දිනයේ අමතර මැදිරි දෙක බැගින් එකතු කිරීමට නියමිත බව ද සඳහන් කළේය.
මගීන් සංඛ්යාව අනපේක්ෂිත ලෙස ඉහළ යෑමෙන් දුර පළාත්වල දුම්රිය ස්ථානවල ප්රවේශපත් තොග ද අවසන් වීමෙන් දුම්රිය ස්ථානාධිපති ගැටලුවකට මුහුණදී සිටින බවත් සෙනෙවිරත්න මහතා වැඩි දුරටත් කීය.
බෙලිඅත්ත දුම්රිය ස්ථානයෙන් අද පෙරවරුවේ පිටත් වූ ‘රජරට රැජිණ’ දුම්රිය බෙලිඅත්ත දුම්රිය ස්ථානයෙන්ම පිරීගිය බවත් එම දුම්රියට මාතර දුම්රිය ස්ථානයේදී මගීන් රැසකට දුම්රියට ගොඩවීමට නොහැකි වූ බවත් වාර්තා වේ.
COMMENTS
Reply To:
Sisira - cb chds hcdsh cdshcsdchdhd
දුම්රියත් පාඩුවට දුවන්න අවශ්ය නෑ. ගාස්තු ටිකක් විතර වැඩි කරන්න...
මේ තත්වය පාලනය කර දුම්රිය සේවාව තවදුරටත් විධිමත්ව පවත්වා ගැනීමට නම් පහත පියවර තුන කඩිනමින් ගැනීම අත්යාවශ්යයි. 1. දැනට ධාවනය වන රාජකාරි හා දුර ගමන් සේවා දුම්රියන්ට ආනයනය කර මෙතෙක් භාවිතා නොකළ මැදිරි යොදා හෝ අමතර මැදිරි එක්කිරීම. 2. දුම්රිය කාලසටහන්වල සංශෝධන කර අතිරේක දුම්රිය ධාවනයට යෙදවීම. 3. වත්මන් දුම්රිය ගාස්තු අවම වශයෙන් 50%ක් හෝ ඉහළ දමා මාස 6කට වරක් ක්රියාත්මක මිල සූත්රයක් හඳුන්වා දීම.
ඕවා අපි කළින්ම කිව්වා. පොදු ප්රවාහන සේවය තව පුළුල් කරන්න කියලා. විශේෂයෙන්ම දුම්රිය. ඔක්කොම කළේ තමන්ගේ බඩකට පුරවාගන්න ඒවා තමයි. ඉපදෙන්න ඉන්න පරම්පරා 10ක්ම ඉවරයි.
ලංකාවේ දුම්රිය සහ ලංගම දියුණු කරන්න දෙන්නේ නැත්තේ පුද්ගලික බස් අයිති දේශපාලුවන් හා ඔවුන්ගේ සහචර කණ්ඩායම් සහ පාතාලවලට සම්බන්ධ කණ්ඩායම්... මේක විශාල මාෆියාවක්... තමන්ගේ වාසියට කාලසටහන් හදලා ලංගමේ සෙනඟ අඩු කළා.. ලංගම රියදුරු සහ කොන්දොස්තරලාට පගාව දෙනවා හෙමින් ප්රයිවට් බස් එක පස්සෙන් එන්න කියලා.. මිනිස්සු පොදු ප්රවාහනෙන් ඈත්වෙන්න ප්රධාන හේතුවක් මේක. පස්සේ මිනිස්සු බයික් කට්ටක් හරි ගත්තේ තමන්ගේ පහසුවට... දැන් පේනවා නේද හේතුව? නිරපරාදේ කොච්චර ඉන්ධන පිච්චුවද අපි..? මිනිස්සුන්ට හොඳට පොදු ප්රවාහනය තිබුණා නම් මාර්ග තදබදය වුණත් අඩුයි... මේ රට ගොඩගන්නවා නම් මේ වගේ දේවල් වල ඉඳන් පටන්ගන්න ඕනෑ.