දුම්රිය අවලංගු කිරීම තව දුරටත්

(යොහාන් භාසුර)

ප්‍රධාන දුම්රිය මාර්ගයේ අද (28) පෙරවරුවේ ධාවනය වීමට නියමිතව තිබූ දුම්රිය කීපයක් අවලංගු කිරීමෙන් ජනතාව අපහසුතාවට පත්වූ බව දුම්රිය සේවකයෝ පවසති.

මෙම තත්වය හේතුවෙන් ගම්පහ ආදි ප්‍රදේශවල කාර්යාලවල සේවයට යන ජනතාවට ‘කොවිඩ්’ තත්වය හමුවේ ද දුම්රියවල දැඩි තදබදයකින් ගමන් කිරීමට සිදුවූ බව දුම්රිය සේවකයෝ කියති.

නියාමකයන් නොමැති යැයි පවසමින් දුම්රිය බලධාරීන් දුම්රිය අවලංගු කළ ද ඇතැම් දුම්රිය සඳහා නියාමකයන් 16 දෙනෙක් යොදවන අවස්ථාව ද ඇති බව කී දුම්රිය සේවකයෙක් තවත් නියාමකයන් පිරිසක් වෙනත් රාජකාරි සඳහා අනියුක්ත කර ඇති බව ද සඳහන් කළේය.

මෙම තත්වය පිළිබඳව දැනගැනීමට දුම්රිය සාමාන්‍යාධිකාරී ධම්මික ජයසුන්දර මහතා දුරකථනයෙන් සම්බන්ධ කරගැනීමට උත්සාහ කළ ද ඒ මහතා ප්‍රතිචාර නොදැක්වීය.

අදහස් (3)

දුම්රිය අවලංගු කිරීම තව දුරටත්

සසනත් ඉතාලිය Friday, 28 January 2022 01:31 PM

දුම්රිය දෙපාර්තමේන්තුව රජයේ ආයතනයක් නේද? එහෙම කොහොමද එහි සේවකයින් එයාලාට හිතෙන හිතෙන වෙලාවට එකවරම ගමන්වාර අවලංගු කරන්නේ? වෙලාවකට ප්‍රවේශපත්‍ර නිකුත් කරන්නේ නැහැ. මිනිස්සු නිකන් යනවා... හෙන ගහනවා වගේ එකපාරට වර්ජනය කරනවා. දුම්රිය අතරමග නතර කරලා වර්ජන ක්‍රියාත්මක කරනවා. මොකද්ද මේ මාෆියාව? මේක නම් පුද්ගලී කරණය කරන්නම ඕනේ... අනේ මන්දා අපි දවසින් දවස යන්නෙම අගාධයට...!!!

: 2 16

Prabha Friday, 28 January 2022 03:20 PM

මෙයාලාට වෙලාවට පඩිය ලබාදෙන එකේ වැරැද්ද...!

: 1 5

Sunil Friday, 28 January 2022 05:55 PM

හරක් ටිකක්නේ මේ දෙපාර්තමේන්තුව බාරව ඉන්නේ...!

: 0 0