අද පෙරවරු හයෙන් අවසන් වූ පැය 72 කදී මොණරාගල දිස්ත්‍රික්කයේ එක්සත් ජාතික පක්ෂ, ජනතා විමුක්ති පෙරමුණ හා ප්‍රජාතන්ත්‍රවාදී පක්ෂයට අයත් ඡන්ද කාර්යාල 21 කට පහරදී ඇතැයිද එජාපය වැඩි ප්‍රචණ්ඩත්වකට මුහුණ දී ඇත්තේ බිබිලේදී  යැයිද කැෆේ සංවිධාන කියයි.
ජවිපෙයේ මොරණාගල හුලංදාව කුඹුක්කන සහ මොණරාගල ඩිපෝව පාර කාර්යාලවලට වෙඩි තැබීම් ද, ගිනි තැබීම් ද මොණරාගල, මඩුල්ල, බිබිල, තණමල්විල, සෙවනගල, බුත්තල, කතරගම, බඩල්කුඹුර ප්‍රදේශවල දී ජවිපෙට එරෙහි ප්‍රචණ්ඩක්‍රියා ද වාර්තා විය.

බඩල්කුඹුරේ ගැටුමකින් පොලීසියේ දෙනෛක් ද තුවාල ලදහ වෙඩි තැබීම් කිහිපයක් ද වාර්තා වී ඇත. ප්‍රතිවාදීන් බිය ගැන්වීම සඳහා වෙඩි තබා ඇතැයි කියති.
අගෝස්තු. 24 දින පැය 6 කට ආසන්න කාලයක් මැර කණ්ඩායම් බිබිල ප්‍රදේශයේ විපක්ෂයේ සියලු ප්‍රධාන පක්ෂවලට ප්‍රහාර එල්ල වූ නමුත් මේ දක්වා ප්‍රහාර එල්ල කළ පිරිස් අත්අඩංගුවට ගෙන නොමැත.  එමෙන්ම ඊයේ දිනයේ බඩල්කුඹුර දී පළමු ගැටුමෙන් පැය  දෙකකට පමණ පසුව වෙඩි තැබීමේ සිදුවීම වාර්තා වූ නමුත් පොලීසිය අවම වශයෙන් මාර්ග බාධක හෝ පිහිටුවා නැත.  මොණරාගල දිස්ත්‍රික්කයේ ආයුධ සන්නද්ධව සිදු කරන ප්‍රචණ්ඩ ක්‍රියා පාලනයට පියවර ගත යුතු බවත් ආරක්ෂාව දැඩි කළ යුතු බවත් කැෆේ සංවිධානය දැඩිව අවධාරණය කරයි.

 caffe1 DSC_3340 DSC_3351


ඡායාරූප කේ ඩී දේවප්‍රිය

DSC05497 DSC05501 DSC05503 DSC05507

ඡායාරූප කැෆේ