හැටන්, දික්ඔය රෝහලේ එකතුවන කැළිකසල කිලෝ 300ක් පමණ කළමනාකරණය කර දිරාපත්වන අපද්රව්යවලින් ජීව වායුව නිපදවා රෝහල් මුළුතැන්ගෙයි දෛනික කටයුතුවලට යොදා ගන්නා බව රෝහල් සේවකයෝ කියති.
රෝහලේ එකතු වූ කැළිකසල රෝහල අවට පරිසරයට මුදාහැරීම නිසා පරිසර හානියක් සිදුවෙතැයි පසුගිය කාලයේ ප්රදේශවාසීහු චෝදනා කළ අතර මධයම පළාත් සෞඛ්ය අධ්යක්ෂිකා වෛද්ය ශාන්ති සමරසිංහ මහත්මියගේ උපදෙස් පරිදි මධ්යම පළාත් සභා සෞඛ්ය අමාත්යංශයේ ප්රතිපාදන යටතේ මෙම ජීව වායු පද්ධතිය සවි කැරිණි.
ජීව වායු පද්ධතියෙන් ගිලන් රථ රියදුරන්ගේ නිල නිවාසයේ කටයුතු වලටද පහසුකම් ලබාගෙන ඇති අතර ඉදිරියේදී එම පද්ධතිය පුළුල්කර රෝහලේ සෙසු කාර්ය මණ්ඩල නිල නිවාසවලට ද ලබාදීමට සැලසුම් කර ඇතැයි කියති.
රෝහලේ එකතුවන ප්ලාස්ටික් ඝන අපද්රව්ය කළමනාකරණය කර ඒවායින් ලැබෙන අමතර ආදායම රෝහලේ සංවර්ධන කටයුතුවලට ලබාදෙන බව ව්යාපෘතිය භාර නිලූප ඒකනායක මහතා පැවසීය.
COMMENTS
Reply To:
Sisira - cb chds hcdsh cdshcsdchdhd
හොඳ වැඩක්. අනෙක් ආයතන වලටත් මේ වගේ හිතන පතන කට්ටිය ලැබේවා! (ර)
මේක තමා රට පුරාම කුණුවලට කරන්න තියන්නේ. අනුන්ට ඇඟිල්ල දික්කරන්නේ නැතුව. දොස්තර නෝනා හොඳ ආරම්බයක්, හොඳ ආදර්ශයක්. සුභපැතුම්. (බ)
කාත්තන්කුඩි කලපු පැතටයි, බදුල්ලටත් උදවුවක් කරලා දෙන්න. අපේ බලවත් ඉල්ලීම. (ර)
මෙතුමියට අප සැමගේම උපහාරය! (නි)
ඔන්න නියම මිනිස්සු. සද්ද නැහැ. දුමයි ගින්දර විතරයි. අනෙකුත් පැතිවල කුණු කුණු ගාන අයට පොලු පාරක්.... (නි)