(රන්ජන් කටුගම්පොල සහ නිමන්ති  රණසිංහ)

පාර්ලිමේන්තුවට ඉදිරිපත් කර ඇති ත්‍රස්තවාදය වැළැක්වීමේ තාවකාලික විධිවිධාන සංශෝධනය කෙටුම්පතේ ඇතැම් වගන්ති ආණ්ඩුක්‍රම ව්‍යවස්ථාවට පටහැනි බවට තීන්දු කරන ලෙස ඉල්ලා ශ්‍රේෂ්ඨාධිකරණයට අද (14) පෙත්සමක් ද ඉදිරිපත් විය.

මෙම සංශෝධිත කෙටුම්පතේ ඇතැම් වගන්ති ආණ්ඩුක්‍රම ව්‍යවස්ථාවට පටහැනි බවත් ඒවා සම්මත කර කරගැනීමට අවශ්‍ය නම් පාර්ලිමේන්තුවේ තුනෙන් දෙකක බහුතර ඡන්දයකින් සහ ජනමත විචාරණයකින් එය අනුමත විය යුතු බවට තීන්දුවක් ලබාදෙන ලෙස ද මෙම පෙත්සම ශ්‍රේෂ්ඨාධිකරණයෙන් ඉල්ලා ඇත.

විකල්ප ප්‍රතිපත්ති කේන්ද්‍රය සහ එහි විධායක අධ්‍යක්ෂ ආචාර්ය පාක්‍යසෝති සරවනමුත්තු මහතා මෙම පෙත්සම අද (14) ඉදිරිපත් කර ඇත.

මෙහි වගඋත්තරකරුවන් ලෙස නම්කර ඇත්තේ නීතිපතිවරයා ය.