(පාලිත මඩුගල්ලේ )

ආසියානු ධාවන ශූරිය වූ තරුෂි කරුණාරත්න ක්‍රීඩිකාව වැඩි දුර අධ්‍යාපන හා ක්‍රීඩා කටයුතු සඳහා ඇමෙරිකාව බලා ඊයේ උදෑසන 3.35 ට කටුනායක බණ්ඩාරනායක ගුවන් තොටුපොළින් පිටත්ව ගියාය.

ඇමෙරිකා එක්සත් ජනපදයේ ලුසියානා ප්‍රාන්තයේ නිව් ඔර්ලියන්ස් නගරය කේන්ද්‍ර කර ගත් ටියුලේන් විශ්ව විද්‍යාලයේ වසර හතරක පූර්ණ ශිෂ්‍යත්වයක් සහිතව කළමනාකරණය පිළිබඳ උපාධියක් ලබා ගැනීම සඳහාත් ක්‍රීඩා කටයුතු සඳහාත් තමන් පිටත්ව යන බව විදේශ ගත වීමට ප්‍රථම තරුෂි කරුණාරත්න ක්‍රීඩිකාව 'ලංකාදීප' යට පැවසුවාය.