මේ රජය රටේ විප්ලවීය වෙනසක් සිදු කිරීමට සූදානම් බවත් ඊට අකුල් නොහෙළන ලෙස ඉල්ලන බවත් අධ්‍යාපන අමාත්‍ය අකිල විරාජ් කාරියවසම් මහතා සිරිකොත පක්ෂ මූලස්ථානයේ අද (5)  පැවැති මාධ්‍ය හමුවක් අමතමින් පැවසීය.

රට මුහුණ දී සිටි බලවත් අභියෝගයක් වූ යුද්ධය ජය ගැනීමටත් වඩා පවතින ණය උගුලෙන් බේරීම බලවත් අභීයෝගයක් බැවින් එයින් මිදීම සඳහා විවිධ ක‍්‍රම අනුගමනය කිරීමට සිදුවන බව අමාත්‍යවරයා කීය.

“සමහරු පුංචි පුංචි කෑලි අල්ලගෙන හුදකලා සටන් කරන්න හදනවා. වරාය හදන්න, ගුවන්තොටුපල හදන්න ජනශූන්‍ය පැතිවල කාපට් කරල මහා මාර්ග හදන්න පෞද්ගලික ඉඩම් පවර ගත්තු හැටි අපට මතකයි. ලැයිස්තු පිටින් අපි ළඟ  තියෙනවා.එහෙම  කරපු මිනිස්සු ඇයි දැන් මේ නින්දෙන් නැගිටල වගේ මේ කර්මාන්තවලට ඉඩම් පවර ගනිද්දි කෑ ගහනවා. අපි රාජපක්ෂවරුන්ට කියනවා ඔවුන් කරන දෙයින් අපි ආපස්සට යන්නේ නැහැ කියලා.  “යැයි ද ඔහු පැවසීය