(යොහාන් භාසුර)

දුම්රිය ස්ථානාධිපතිවරු අද (24) පෙරවරුවේ ආරම්භ කළ ප්‍රවේශපත් නිකුත් නොකිරීමේ වෘත්තීය ක්‍රියාමාර්ගය නිසා දුම්රිය දෙපාර්තමේන්තුවට දිනකට රුපියල් ලක්‍ෂ 80 ත් 90 ත් අතර පාඩුවක් වන බව දුම්රිය ස්ථානාධිපති සංගමයේ සභාපති සුමේධ සෝමරත්න මහතා පැවසීය.

දුම්රිය දෙපාර්තමේන්තුවේ සාමාන්‍ය දිනක ප්‍රවේශපත්‍ර ආදායම ලක්‍ෂ 80 ත් 90 ත් අතර වන බව කී දුම්රිය ස්ථානාධිපති සංගමයේ සභාපතිවරයා උත්සව සමය හේතුවෙන් එම ආදායම මේ දිනවල ඊට වඩා වැඩිවිය හැකි බව ද සඳහන් කළේය.

රුපියල් බිලියන ගණනින් පාඩු ලබමින් තිබෙන දුම්රිය දෙපාර්තමේන්තුව මේ ආකාරයට පාඩුව වැඩි කළ ගත හොත් තව දුරටත් අමාරුවේ වැටෙන බවත් බලධාරීන් විසඳුමක් ලබානොදුන හොත් අනිද්දා (26) මාධ්‍යම රාත්‍රී 12.00 සිට අනිවාර්යෙන්ම අඛණ්ඩ වැඩවර්ජනයකට යොමු වන බවත් දුම්රිය ස්ථානාධිපති සංගමයේ සභාපති සුමේධ සෝමරත්න මහතා කීය.

දුම්රිය ස්ථානාධිපතිවරු කිසිවිටක මගීන් අපහසුතාවට පත්කිරීමට කැමැත්තක් හෝ උත්සාහයක් නොමතැ බව කී සෝමරත්න මහතා සඳහන් කළේ උසස්වීම් සහ බඳවාගැනීම් වැනි ස්ථානාධිපතිවරුන්ට ලබපාන කරුණු වගේම ජනතාවට ප්‍රමාණවත් පරිදි දුම්රිය ධාවනය නොකිීම සහ අනතුරුදායක සංඥාා පද්ධතිය යථාතත්වයට පත්කිරීම යක කරුණුවලට විරෝධය පළ කරමින් මෙම වෘත්තීය ක්‍රියාමාර්ගය ආරම්භ කළ බවයි.