(රේඛා තරංගනේ ෆොන්සේකා )

පසුගිය කාලයේදී කාර්යාල දුම්රියන්වල ප්‍රවේශපත්‍ර නොමැතිව ගමන් කළ පුද්ගලයන් 81 දෙනකු අත්අඩංගුවට ගෙන දඩ මුදල් නියම කළ බව දුම්රිය දෙපාර්තමේන්තුවේ ආරක්ෂක අංශය පවසයි.

මොරටුව, දකුණු කළුතර, පානදුර.අගුලාන ,එගොඩ උයන යන දුම්රිය ස්ථාන වල මෙම වැටලීම් සිදුකළ බව නිලධාරීන් පැවසීය.

සුළු මුදලක් ගෙවා ගන්නට තියෙන දුම්රිය ප්‍රවාහනයේ ටිකට් පත නොමැතිව දුම්රිය මැදිරිවල හොරෙන් යෑමට උත්සාහ කිරීමේදී විශාල මුදලක් එවැනි පුද්ගලයන්ට දඩ මුදල් ලෙස ගෙවීමට සිදුවන බව සඳහන් කළ ආරක්ෂක නිලධාරින් ටිකට් පත් මගහැර ගිය එක් මගියෙකුගෙන් රුපියල් 3050 ක මුදලක් දඩ මුදල් ලෙස අය කළ බවද පැවසීය.

 දුම්රියන් කෙටිදුර ධාවනයේ යෙදෙන නිසා ටිකට් පතක් නොමැතිව මගීන් දුම්රිය මැදිරිවලට ගොඩවීම සිදුවන බව ආරක්ෂක අංශය පැවසීය.

 ඉදිරියේදී දිගින් දිගටම ටිකට් වැටලීම් සිදුකිරීමට සැලසුම් කර ඇති බවද එම ආරක්ෂක නිලධාරියා වැඩිදුරටත් පැවසීය.