(සුමිත් පොතුපිටිය සහ බිමල් ශ්‍යාමන් ජයසිංහ)

රුපියල් ලක්ෂ 45 කට ආසන්න වටිනාකමකින් යුත් අයිස් මත්ද්‍රව්‍ය තොගයක් යතුරු පැදියකින් ප්‍රවාහනය කරමින් සිටී ජල සම්පාදන මණ්ඩලයේ රියදුරකු අද අත්අඩංගුවට ගත්බව කළුතර කොට්ඨාස අපරාධ විමර්ශන ඒකකය පවසයි.

ලද තොරතුරක් මත පොලිස් කණ්ඩායම මග්ගොන ඉන්ධන පිරවුම්හල අසල රැක සිට කළුතර දෙසින් පැමිණි යතුරුපැදිය නවතා පරීක්ෂා කිරීමේදී ඇද සිටි යට ඇදුමේ සගවාගෙන සිටී අයිස් මත්ද්‍රව්‍ය ග්‍රෑම් 365 ක් සොයාගෙන සැකකරු අත්අඩංගුවට ගෙන ජාවාරම සදහා යොදාගත් යතුරුපැදියද පොලිස් භාරයට ගෙන තිබේ.

සැකකරු මග්ගොන මුංහේන ප්‍රදේශයේ පදිංචි 37 හැව්රිදි පුද්ගලයකු බවත් ජාතික ජලසම්පාන හා ජලාප්‍රවාහන මණ්ඩල මූලස්ථානයේ රියදුරෙක් ලෙස රාජකාරි කරන බවට ප්‍රකාශවලින් හෙලිව ඇතැයිද පොලිසිය කීය.

සැකකරු කළුතර මහේස්ත්‍රාත් අධ්කරණයට ඉදිරිපත් කිරීමට නියමිතව තිබූණි.