ජෙනිෆර් ඇනිස්ටන් හොලිවුඩ් නිළියක් ලෙස නමක් දිනා ගෙන සිටින තැනැත්තියක්. එසේ නමක් දිනා සිටියත් පුංචි කාලයේ සිටම තමාට හොරකම් කිරීමේ නරක පුරුද්දක් තිබූ බව ඇය පවසනවා. ඇය සොරකම් කර ඇත්තේ ඇගේම මවගේ මුදලුයි. හැබැයි ලොකු මුදලක් නම් නොවන බවයි ඇය සඳහන් කර ඇත්තේ.

ජෙනිෆර් විසින් සිදුකරනු ලැබූ ඒ වැරැද්ද පිළිබඳව ඇය කියා සිටියේ ඇමෙරිකාවේ ‘චැනල් 24’ නම්වූ රූපවාහිනී නාළිකාව සමග පැවැති සම්මුඛ සාකච්ඡාවකදීයි. “නොදැන තමයි මම ඒ වරද කළේ. මම, අම්මාගෙ පර්ස් එකෙන් ඩොලර් එකක් විතර හොරෙන් අරගත්තා. වීඩියෝ ගේම්ස්වලට තමයි ඒක වියදම් කළේ. ඩොලර් එක අරගෙන මමයි, තව යාළුවෝ දෙතුන් දෙනෙකුයි එක්ක වීඩියෝ ක්‍රීඩා කරන්න ගියා. අපි පොඩි කාලෙ ඩොලර් එකක් ගොඩක් වටිනවා.”

අනූද ඩිනිල්දු