(ගයාන් සූරියආරච්චි)

හිටපු අමාත්‍ය ජොන්ස්ටන් ප්‍රනාන්දු මහතා සහ ඔහුගේ බාලපුතා මීට සුළු මොහොතකට පෙර  අත්අඩංගුවට ගත් බව අපරාධ පරීක්ෂණ දෙපාර්තමේන්තුව කියයි.

අමාත්‍ය ජොන්ස්ටන් ප්‍රනාන්දු වෙළෙද අමාත්‍යවරයා වශයෙන් කටයුතු කරන සමයේ ලංකා සතොස ආයතනයට අයත් ලොරි රථයක් අවභාවිත කිරීම සහ රජයට පාඩු සිදුකිරීම යන චෝදනා සම්බන්ධයෙනි.

මීට දින කීපයකට පෙර හිටපු අමාත්‍ය ජොන්ස්ටන් ප්‍රනාන්දු මහතාගේ පුත් ජොහාන් ප්‍රනාන්දු මහතා ද අපරාධ පරීක්ෂණ දෙපාර්තමේන්තුව අත්අඩංගුවට ගැනීමෙන් අනතුරුව අධිකරණයට ඉදිරිපත් කිරීමෙන් පසු රක්ෂිත බන්ධනාගාර ගත කෙරිණි.

අත්අඩංගුවට ගත් හිටපු අමාත්‍යවරයා අද වත්තල මහේස්ත්‍රාත් අධිකරණය වෙත ඉදිරිපත් කිරීමට නියමිතය.

අපරාධ පරීක්ෂණ දෙපාර්තමේන්තුවේ මූල්‍ය අපරාධ විමර්ශන අංශය වැඩිදුර විමර් ශන සිදුකරයි.