(නිමල කොඩිතුවක්කු සහ ශාන්ත ප්‍රදීප් කුමාර කුලරත්න)

ජාතික ප්‍රවාහන වෛද්‍ය ආයතනය හෙට (15) දිනයේ වසා දැමීමට තීරණය කළ බව ප්‍රවාහන රාජ්‍ය අමාත්‍ය දිලුම් අමුණුගම මහතා පැවසීය.

එම ආයතනයේ නිලධාරියෙකුට කොවිඩ්-19 වයිරසය ආසාදනය වීම හේතුවෙන් මෙම පියවර ගත් බවද රාජ්‍ය අමාත්‍යවරයා සඳහන් කළේය.

ජාතික ප්‍රවාහන වෛද්‍ය ආයතන පරිශ්‍රය විශබීජහරණය කිරීමෙන් පසු අනිද්දා (16) දිනයේ සිට සාමාන්‍ය පරිදි කටයුතු සිදුවන බවත් හෙතෙම වැඩිදුරටත් පැවසීය.

එබැවින් හෙට 15 දා රාජකාරි සඳහා කිසිවකු නුගේගොඩ ජාතික ප්‍රවාහන වෛද්‍ය ආයතනයට නොපැමිණෙන ලෙසත් ඒ වෙනුවෙන්  වෙනත් දිනයක් හා වේලාවක් 225 අංකයට අමතා ලබා ගන්නා ලෙසත් එහි සභාපති වෛද්‍ය සවීන්ද්‍ර ගමගේ මහතා සේවාලාභීන්ගෙන් ඉල්ලා සිටි.

අදාළ සිද්ධිය සම්බන්ධයෙන් ප්‍රදේශයේ මහජන සෞඛ්‍ය පරීක්ෂක නිලධාරීන් ආසාදිතයා හා ගැටුණු සමීපතමයින් සොයා  නිරෝධායනයට ලක් කිරීමට පියවර ගෙන ඇති අතර සේවාලාභීන් කිසිවකු භිය නොවී තම රාජකාරී සඳහා පැමිණෙන ලෙස සභාපතිවරයාද ජනතාවට දන්වා සිටී.