(ජේ.කේ.එල්. චාමින්ද)
 
කොරෝනා  අවදානම හේතුවෙන්  සෞඛ්‍ය අංශවල නිර්දේශ මත ගාල්ල මහාධිකරණය, මහේස්ත්‍රාත් අධිකරණය, දිසා හා සිවිල් අභියාචනා අධිකරණ හා කම්කරු විනිශ්චය සභාව හෙට (18) සිට දින තුනක කාලයකට වසා දැමීමට තීරණය කර ඇති බැව් ගාල්ල නිතිඥ සංගමයේ ලේකම් සමිත් තුෂාර ගාල්ලගේ මහතා පවසයි.

මහාධිකරණ විනිසුරු, දිසා අධිකරණ විනිසුරු හා මහේස්ත්‍රාත් සහ ගාල්ල නීතිඥ සංගමයේ නීතිඥයින් සමග අද (17) දහවල් පැවති සාකච්ඡාවකින් පසු  සෞඛ්‍ය බලධාරින්ගේ උපදෙස් මත මෙම තීන්දුව ගත් බවද නිතිඥ සංගමයේ ලේකම්වරයා පැවසීය.

බුස්ස අධිආරක්ෂිත බන්ධනාගාරයේ  සිටි රැදවියකු ඇප ලබා පසුගිය 11 වැනිදින   සිය නිවසට ගොස් ඇත. ඔහු යක්කලමුල්ල බටගොඩ ප්‍රදේශයේ පදිංචිකරුවෙකි. 12 වැනිදින මොහු  ගාල්ල අධිකරණයට පැමිණ නීතිඥයින්  කිහිපදෙනෙකු හමුවී ඇති බවද නිතිඥ සංගමයේ ලේකම්වරයා පවසයි.  පෙරේදා (14) දින මොහුට කොරෝනා වෛරසය ආසාදනය වී ඇති බවට තහවුරුවී ඇත.

පවතින තත්වය යටතේ සෞඛ්‍ය නිර්දේශ මතඅවදානම් තත්වය සැලකිල්ලට ගෙන මෙකි අධිකරණ හෙට සිට වසා දැමීමට තීන්දුකරණු ලැබු බවද  ඒ මහතා  පවසයි. නඩු කටයුතුවල ඉදිරි දින දැන්වීම් පුවරුවල ප්‍රදර්ශනය කිරීමට කටයුතු කරණ බවද නීතිඥ සංගමයේ ලේකම්වරයා පවසයි. කෙසේවුවද ලබන සදුදා සිට අධිකරණවල කටයුතු සාමන්‍ය පරිදි සිදුකරණ බවද ඒ මහතා වැඩිදුරටත් සදහන් කළේය.