තංගල්ල රෝහලේ දී දරුවකු ප්‍රසූත කළ මවක් වැඩිදුර ප්‍රතිකාර සඳහා ගිලන් රථයකින් රැගෙන එමින් සිටියදී එම ගිලන් රථය දක්ෂිණ අධිවේගී මාර්ගයට මාතර ගොඩගමින් ඇතුළු කරද්දී එහි පිටුපස දොර විවෘත වී එම මව වැටුණ ද ඇයට බරපතල රෝගී තත්ත්වයක් නැතැයි තංගල්ල රෝහලේ ආරංචි කියයි.

අද (4) පෙරවරු 9.14ට පමණ මාතර ගොඩගම පිවිසුමේ දී මෙම අනතුර වීමත් සමග රෝගී මව ගිලන් රථයට ක්ෂණිකව නංවාගත් එහි කාර්ය මණ්ඩලය කොළඹ දෙසට ආ බව අධිවේගී මාර්ගයේ සේවකයෝ කියති.

අනතුර වන අවස්ථාවේ දී ගිලන් රථයේ තවත් රෝගීන් කිහිපදෙනකු සිටි බවත් ඔවුන්ට කිසිදු අනතුරක් සිදුනොවූ බවත් වාර්තාවේ.