කප්පමට ගණන්කාරකමට නමක් ගත් දකුණේ දේශපාලනඥයකු වන මොහු මුකරිකමින් අගතැන්පත් මේ පුද්ගලයා රත්තරන් මාල වළලු දාගත්තු පාතාලයේද හිතවතුන් සිටින අයෙකි.

දියවන්නාවද තරණය කර පිල් මාරුවූවෙකි. බෙන්තර ගඟින් එහා පැත්තේ සිට කොළොම්පුරයට ආ ඔහුට මෙවර නාම යෝජනා නොලැබෙන පාටකි. වාසි ඇති තැනට හෝයියා කියන තාලෙන් හැසිරෙන නීතිය බල්ලාට දමන මේ පුද්ගලයා බලයේ සිටි කාලයේ ලංකාවේ පාතාලයන් රැසක් යුරෝපයට යවා තිබෙනවාලු.

වසරකට වරක් ඔහුත් එහි යනවාලු. ලංකාවේදී මිනී මරා, ගැහැණුන්ද දූෂණය කර බැංකුද කඩා රට පැන සිටින පාතාලයන් ඔහු එහි ගිය විට සිංහ රාජයකුට දක්වන සැලකිලි දක්වනවාලු. කලකට පෙර ඔස්ට්‍රියාවේ වියනා නුවරට ගිය මොහු සිය මිත්‍රයකුගේ ගෙදරදී හොඳටම බිව්වාලු.

කලින් නින්දටත් ගිහිල්ලාලු. නුහුරු පරිසරයක් නිසා අලි ඇබැද්දියක් වෙලාලු. ඒක දැනගත්තේ මිනිහා පහුවදා උදේ තේ මේසයට නොපැමිණි නිසාලු. මිනිහා කොහේදැයි කලබලවී බැලූ ගෙහිමියා ඔහු පැදුරටත් නොකියා කුකුළාත් අතින් අරන් ගිහින්ලු. හේතුව සොයාගත්තේ ඇඳේ මෙට්ටයේ ගඳෙන්ලු.

මෙට්ටය තෙමී ඇඳ යටටත් සුළු දිය පහරක් ගලා ගිහින්ලු.