(රෝෂන් තුෂාර)

පාර්ලිමේන්තු මන්ත්‍රී නාමල් රාජපක්ෂ මහතාට රුපියල් මිලියන 70 අල්ලසක් පිරිනැමුවේ යැයි අත් අඩංගුවට ගෙන අධිකරණයට ඉදිරිපත් කළ ක්‍රිෂ් පුද්ගලික සමාගමේ අධ්‍යක්ෂකා ගීතාංජලී ජානකී ද සොයිසා සිරිවර්ධන  ලබන 06 දින දක්වා රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත් අසංග එස් බෝදරගම මහතා අද නියෝග කළේය.

නාගරික සංවර්ධන අධිකාරියට අයත් කොළඹ කොටුව ට්‍රාන්ස්වක් චතුරශ්‍රය නමැති භූමිය krrish transworks colombo (pvt) ltd සමාගම වෙත කඩිනමින් ලබා ගැනීමට සහ සමාගම වෙත අවශ්‍ය අනුමැතින් කඩිනමින් ලබා ගැනීමට සහාය ලබා දීම වෙනුවෙන් එකී සමාගම විසින් අවස්ථා තුනකදී රුපියල් මිලියන 70 ක මුදලක් පාර්ලිමේන්තු මන්ත්‍රී නාමල් රාජපක්ෂ සැකකරුට අල්ලස් වශයෙන් පිරිනැමීම සම්බන්ධයෙන් සැකකාරිය අල්ලස් කොමිසම මගින් අත්අඩංගුවට ගෙන අධිකරණයට ඉදිරිපත් කෙරිණි.