(සුජිත් හේවාජුලිගේ )

පාර්ලිමේන්තු මන්ත්‍රීවරුන් විස්සකට ආසන්න පිරිසක් කොළඹ තමන්ට අයිති නිවාස තිබියදී මාදිවෙල මන්ත්‍රී නිල නිවාස සංකීර්ණයෙන්ද  නිවාස විවිධ ව්‍යාජ ලියකියවිලි ඉදිරිපත් කරමින් ලබාගෙන සිටින බවට තොරතුරු අනාවරණයවී ඇතැයි පාර්ලිමේන්තු ආරංචි  මාර්ගවලින් පැවසේ.

කොළඹ තමන්ටම අයිති නිවාස ඇති මන්ත්‍රීවරුන්ට  මාදිවෙල මන්ත්‍රී නිල  නිවාසවලින් නිවාස ලබාදීම නීතිය අනුව  තහනම්  බව  පාර්ලිමේන්තු නිලධාරීහු පවසති.

සමහර මන්ත්‍රීවරුන් මාදිවෙල මන්ත්‍රී නිල නිවාස සංකීර්ණයෙන් නිවාස ලබාගෙන ඇත්තේ  තමන්ට කොළඹ නිවාස නැති බව  දිවුරුම් ප්‍රකාශ පවා ඉදිරිපත් කරමින් බව  කියති.

මාදිවෙල මන්ත්‍රී නිල නිවාස  සංකීර්ණයෙන් නිවාස ලබාගෙන ඇති මන්ත්‍රී පිරිසට කොළඹ නගරයේ නිවාස දෙක තුනක හිමිකම ඇති අයද  ඇතුළත් වෙතියි වාර්තාවේ.

මේ අතර මන්ත්‍රීවරුන්  පිරිසක් මාදිවෙල මන්ත්‍රී නිල  නිවාස නිල නිවාස සංකීර්ණයෙන් නිවාස ලබාගෙන කාලයක් තිස්සේ ඒවා වසා දමා  වෙනත් ස්ථානවල පදිංචිව සිටින බව එම ආරංචි මාර්ග සඳහන් කරයි.

කොළඹ නිවෙසක් නොමැති  ඈත දුර බැහැර ප්‍රදේශවල ඇතැම්  මන්ත්‍රීවරුන්ට මේ තත්ත්වය යටතේ මාදිවෙල මන්ත්‍රී නිල නිවාස සංකීර්ණයෙන් නිවාස ලබාදීම විශාල ගැටලුවක්වී ඇතැයි පාර්ලිමේන්තු නිලධාරීහු පවසති.