කහවත්තේ කොටකෙතන ගමේ තවත් නිවසක ගින්නකින් 63 හැවිරිදි මහළු මව හා 32 හැවිරිදි දියණිය පිළිස්සී මියගිය බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී අජිත් රෝහණ මහතා කියයි. මීට මාස කිහිපයකට පෙර ද මේ ආකාරයටම මේ ගමේ ගෙයක් ගින්නට හසුවී අක්ක නගෝ දෙදෙනෙක් පිළිස්සී මරුමුවට පත්වූහ. මෙයද තවත් ඝාතනයක් විය හැකියැයි ගම්වැසියෝ කියති. මේ ගමේ දැනට සිදුව ඇති මෙවැනි අභිරහස් මරණ සංඛ්‍යාව 14 කි. මේ ඝාතන රැල්ල ආරම්භ වූයේ තනි තනි කතුන් මරා දැමීමෙනි. කතුන් දෙදෙනා බැගින් මරා දැමුණු තෙවන අවස්ථාව මෙයයි. පසුගියදා අක්ක නගෝ ඝාතනයට ලක්වූ නිවසට කිලෝමීටරයක් ඈතින් මෙම නිවස පිහිටා තිබේ.  

  • 2007 ජුලි 21 දින  ඕපාත වත්තේ පදිංචි සෙල්ලයියා මාරියා (56) කෙළෙසා ගෙළ මිරිකා මැරීම.
  • අඩකම්මලේ ආරියවතී (52)  ගෙළ කපා මැරීම.
  • ‍2010 ජුනි 04 කොටකෙතන ඞී. ඩබ්. බේබිනෝනා (48) කාන්තාව කෙළෙසා මැරීම.
  • 2010 වසරේ දෙසැම්බර් 21 දින ඒ කොටකෙතන දිඹුල්වල සිරිවර්ධන මුදියන්සේලාගේ හින්මැනිකේ කෙළෙසා ගෙළ සිද මැරීම.
  • 2011 අප්‍රේල් 03 දින කොටකෙතනට නුදුරු නිලදුරෙ  ඕපාතගේ කරුණාවති (65) තියුණු ආයුධවලින් කපා  මරා සිරුරට ගිනි තැබීම
  • 2011 මැයි 31 දින කහවත්ත කෙළින් විදියේ ඞී.එම්. හින්මැණිකේ
  • දින දහනවයකට පමණ පසු කොටකෙතන නිලදුර පදිංචි අවිවාහක කාන්තාවක්වු  ඕවිටිගලගේ ජයන්ති (56) නැමැත්තිය ඝාතනය
  • 2012 ජනවාරි 31 හෝ ඊට ආසන්න දිනයක දී කොටකෙතන පදිංචි පිලානගොඩ කන්දගේ නයනා නිල්මිණී (52) මව සහ එස්.එච්. කාවින්ද්‍යා චතුරංගනි සෙල්ලහේවා (19) ඝාතනය.
  • 2012මැයි 31 හෝ ඊට ආසන්න දිනයක දි වරාපිටියේ සිටි සේතුංගගේ දයාවතී (61) වැන්දඹුව සහ ඇගේ නැගණිය වු සේතුංගගේ තිලකාවතී (51) අවිවාහක කාන්තාව ඝාතනය.
  • 2012 ජුලි 19 කහවත්ත පාසල අසල පදිංචිව සිටි එල්.ඒ. පේ‍්‍රමවතී (63) මව සහ දියණිය පුෂ්පා කුමාරි නැමැති තිස් දෙහැවිරිදි අවිවාහක කාන්තාවයි. ඒ 19 දින මරා කාමරයකට දමා නිවසට ගිනිලෑම.