(ඩයනා උදයංගනී)  

දින කීපයක් පැවති වැසි සහිත කාලගුණයේ වෙනසක් අද (7) සිදුවන බව කාලගුණ විද්‍යා දෙපාර්තමේන්තුව පවසයි.  

බස්නාහිර, සබරගමුව සහ මධ්‍යම පළාත්වලත්, ගාල්ල සහ මාතර දිස්ත්‍රික්කවලත් අද (7) වැසි ස්වල්‍පයක් ඇති වන බව එම දෙපාර්තමේන්තුවේ ප්‍රකාශකයෙක් පැවසීය.

උතුරු, නැගෙනහිර, ඌව පළාත්වල ඇතැම් ස්ථානවල සවස් කාලයේ හෝ රාත්‍රී කාලයේ වැසි හෝ ගිගුරුම් සහිත වැසි ඇතිවන බව එම ප්‍රකාශකයා කීවේය.

ගිගුරුම් සහිත වැසි ඇතිවන අවස්ථාවල අකුණු අනතුරු හා තාවකාලික තද සුළං ඇතිවිය හැකි බවද ඔහු පැවසීය.