(ළහිරු හර්ෂණ )

අමාත්‍යාංශ සංශෝධනය යටතේ කැබිනට් අමාත්‍යවරු දෙදෙනෙක් හා රාජ්‍ය අමාත්‍යවරු දෙදෙනෙක් අද (04) ජනාධිපති ගෝඨාභය රාජපක්ෂ මහතා ඉදිරියේ ජනාධිපති ලේකම් කාර්යාලයේ දී දිවුරුම් දී ඇත. 

සී බී රත්නායක මහතා වනජීවී හා වන සම්පත් රක්ෂණ අමාත්‍යවරයා ලෙස ද දිලුම් අමුණුගම මහතා ප්‍රවාහන අමාත්‍යවරයා ලෙස ද විමලවීර දිසානායක මහතා ආපදා කළමනාකරණ රාජ්‍ය අමාත්‍යවරයා ලෙස ද අරුන්දික ප්‍රනාන්දු මහතා පොල් කිතුල් හා තල් වගා ප්‍රවර්ධන හා ආශ්‍රිත කාර්මික භාණ්ඩ නිෂ්පාදන හා අපනයන විවිධාංගීකරණ රාජ්‍ය අමාත්‍යවරයා ලෙස ද දිවුරුම් දී ඇති බව ජනාධිපති ලේකම් කාර්යාලය නිවේදනය කරයි.