(එම්.සුසිල් පියන්ත)

අම්බලන්ගොඩ දුම්රිය මාර්ගයේ කතා කර කර යමින් සිටි පාසල් ශිෂ්‍යාවක සහ ශිෂයකු අද සවස   දුම්රියේ ගැටී තුවාල ලබා රෝහල් ගත කළ බව අම්බලන්ගොඩ පොලීසිය කියයි.

මෙසේ තුවාල ලබා ඇත්තේ අම්බලන්ගොඩ ප්‍රධාන පාසල් දෙකක ඉගෙනුම ලබන දාහත් හැවිරිදි ශිෂයකු හා ශිෂයා බව පොලිසිය සඳහන් කරයි.

ශිෂයා අම්බලන්ගොඩ හිරේවත්ත ප්‍රදේශයේද, ශිෂයාව අම්බලන්ගොඩ දෙල්දූව ප්‍රදේශයේ ද පදිංචි කරුවන් බවද පොලීසිය කියයි.

මේ දෙදෙනගෙන් පාසල් ශිෂයාවට බරපතල තුවාල සිදුව ඇති බවත් ශිෂයාට සීරීම් තුවාල පමණක් සිදුව තිබෙන බවද පොලීසිය කියයි.

දුම්රියේ ගැටී බරපතල තුවාල ලැබූ පාසල් ශිෂයාවට රෝහලට රැගෙන යනවිටත් සිහි සුන්ව සිටි බවද පොලීසිය කියයි.