(ඉන්දිකා  රාමනායක)

රුපියල්  කෝටි  තුනකට අධික වටිනා හෙරොයින් සහ එම ජාවාරමෙන් උපයා ගත් රුපියල් කෝටි 2කට ආසන්න මුදලක් සමග කාන්තාවක් ඇතුළු තිදෙනෙකු  අත්අඩංගුවට ගත් බව පොලිස් මත්ද්‍රව්‍ය නාශක කාර්යාංශය පවසයි. 

මොවුන් සතුව හෙරොයින් කිලෝ තුනයි ග්‍රෑම්  507 ක ප්‍රමාණයක් තිබී ඇත.

පොලිස් මත්ද්‍රව්‍ය නාශක කාර්යාංශය ගොඩගම ප්‍රදේශයේ දී  ඉකුත් 18 දින සිදු කළ වැටලීමකින් හෙරොයින්  ග්‍රෑම් 294 ප්‍රමාණයත් සමග සැකකරුවකු අත්අඩංගුවට ගෙන ඇති අතර   ඔහු , ගෙන් හෙළිවූ තොරතුරු මත තවත් සැකකරුවෙකු පාදුක්ක ප්‍රදේශයේ දී හෙරොයින් කිලෝ 3 යි ග්‍රෑම් 300ක්  සමග අත්අඩංගුවට ගෙන ඇත.

සැකකරුවන් දෙදෙනාගෙන්  හෙළිවූ තොරතුරු මත පාදුක්ක ප්‍රදේශයේ දී (31) කාන්තාවක් අත්අඩංගුවට ගෙන ඇති අතර ඇය සන්තකයේ හෙරොයින් ජාවාරම උපයා ගත්  බවට සැකකරන රුපියල් එක්කෝටි අසූ ලක්ෂයක මුදලක් පොලිස් බාරයට ගෙන තිබේ.

කාන්තාවගේ සැමියා ඩුබායි රාජ්‍යයේ සැඟව  සිටිමින් මත්ද්‍රව්‍ය ජාවාරමේ නිරතවන්නෙකු බවට පොලිසිය තොරතුරු  හෙළි කරගෙන ඇත.