(සුජිත් හේවාජුලිගේ) 

පරිසර හිතකාමී දේශීය පොහොර මිලදී ගැනීමේ ව්‍යාපෘතිය යටතේ 2021/2022 වර්ෂ වලදී මිලදී ගෙන ඇති රුපියල් තුන් කෝටි විසි අට  ලක්ෂ තිස් පන්දහසක කාබනික පොහොර මේට්‍රික් ටොන්  2487ක් කිසිදු කටයුත්තකට යොදා නොගෙන  තවමත් ප්‍රාදේශීය ගබඩාවල  පවතින බව ජාතික විගණන කාර්යාලය නිකුත් කළ වාර්තාවක සඳහන්වේ

ශ්‍රීමාසහිත ලංකා පොහොර සමාගම විසින් මෙම කාබනික පොහොර තොගය මිලදී ගන්නා ලදැයි ජාතික විගණන කාර්යාලය පවසයි.

කාබනික පොහොර අම්පාර  හොරොව්පතාන මැදවච්චිය නොචිචියාගම බදුල්ල මඩකළපුව දෙහිගහලන්ද  හිඟුරක්ගොඩ ඇඹිලිපිටිය යන ප්‍රාදේශීය ගබඩාවල පවතින බවත්  ඒවා  සම්බන්ධයෙන් ගන්නා ක්‍රියාමාර්ග නිශ්චිතව හඳුනාගෙන නැති බවත් එම වාර්තාවේ දැක්වේ.