’’ඕනෑම මොහොතක සියල්ල අත් හරින්න සූදානම්’’

(අජන්ත කුමාර අගලකඩ)

අවශ්‍ය නම් රාජ්‍ය අමාත්‍ය ධුරයෙන් ඉල්ලා අස්වීමට තමා සූදානම් බව ශ්‍රී ලංකා නිදහස් පක්ෂයේ මහ ලේකම් බතික්, අභ්‍යන්තර රෙදි හා දේශීය ඇඟලුම් නිෂ්පාදන රාජ්‍ය අමාත්‍ය දයාසිරි ජයසේකර මහතා ශ්‍රී ලංකා නිදහස් පක්ෂ මන්ත්‍රී කණ්ඩායම් රැස්වීමේදී ප්‍රකාශ කර ඇතැයි වාර්තා වේ.

ශ්‍රී ලංකා නිදහස් පක්ෂ පාර්ලිමේන්තු මන්ත්‍රී කණ්ඩායම පාර්ලිමේන්තුවේ නියෝජ්‍ය කථානායක රංජිත් සියඹලාපිටිය මහතාගේ කාර්යාලයේදී ඉකුත් අඟහරුවාදා (06)රැස්වූ අවස්ථාවේ ඇතිවූ සංවාදයක් අතර තුරදී ඔහු මේ බව ප්‍රකාශ කර ඇතැයි දැනගන්නට තිබේ.

දයාසිරි ජයසේකර මහතා ආණ්ඩුවේ ක්‍රියාකලාපය විවේචනය කරමින් ඉකුත් දා කළ ප්‍රකාශය සුදුසු නොවන බව මන්ත්‍රී කණ්ඩායම් රැස්වීමට සහභාගී වු රාජ්‍ය ඇමැතිවරුන් දෙදෙනකු ප්‍රකාශ කර ඇත

ආණ්ඩුවේ සිටිමින් එවැනි ප්‍රකාශ කිරීම අනුමත කළ නොහැකි බව ඔවුන් ප්‍රකාශ කර ඇති අතර ,ඊට පිළිතුරු දී ඇති දයාසිරි ජයසේකර මහතා තමා අවශ්‍ය නම් රාජ්‍ය අමාත්‍ය ධුරයෙන් ඉල්ලා අස්වීමට සූදානම් බව පවසා ඇත .

තමාට රාජ්‍ය අමාත්‍ය ධුරයෙන් ඉවත් වි පක්ෂයේ මහ ලේකම්වරයා ලෙස කටයුතු කළ හැකි බව ද ජයසේකර මහතා එහිදී ප්‍රකාශ කර ඇතැයි දැනගන්නට තිබේ .

එහෙත් ඔහු අමාත්‍ය ධුරයෙන් ඉල්ලා අස් වීමේ කිසිදු අවශ්‍යතාවක් නැතැයි එම සාකච්ඡාවට සහභාගී වූ මන්ත්‍රීවරුන් ප්‍රකාශ කර ඇතැයි ද වාර්තා වේ.

හිටපු ජනාධිපති මෛත්‍රිපාල සිරිසේන මහතාගේ ප්‍රධානත්වයෙන් එදින පස්වරුවේ පැවති පක්ෂයේ දේශපාලන මණ්ඩල රැස්වීමේදී ද මේ සම්බන්ධයෙන් සාකච්ඡා වී ඇතැයි වාර්තා වෙි.

අදහස් (23)

’’ඕනෑම මොහොතක සියල්ල අත් හරින්න සූදානම්’’

silva Thursday, 08 July 2021 07:39 PM

එහෙම වුණත්, අපිට නම් කිසිම වෙනසක් දැනෙන එකක් නැහැ...

: 124 106

gunarathna Thursday, 08 July 2021 08:39 PM

අවුරුදු 03කින් විතර ඔය ඔක්කොම අත්හරින්න වෙයි..

: 0 162

sena Friday, 09 July 2021 05:21 AM

තණ්හාය ජායති සෝකෝ කියලා බුදුන් දේශනා කර තිබෙනවා. ඉදිරි මැතිවරණයට පෙර ඒ පිළිබඳව හොඳින් අධ්‍යයනය කර ධාරණය කරගන්න..

: 0 7

Nihal Thursday, 08 July 2021 09:03 PM

ඔයාලා දේශපාලනයට ආවේ රට වෙනුවෙන්. අර පැත්තෙන් මේ පැත්තට පැන්නේ රට වෙනුවෙන්... පාර්ලිමේන්තු ආවේ රට වෙනුවෙන්... අමාත්‍යාංශයක් බාර ගත්තේ රට වෙනුවෙන්. ඉතිං ඇයි මේ ආඩපාලි. රට වෙනුවෙන් ඉවසගන්න බැරිද?

: 13 15

chandima Thursday, 08 July 2021 11:36 PM

ඇති වෙන්න පින් කරගෙන වගේ..!!! කොහෙද යන්න හිතන් ඉන්නේ..? තව්තිසාද? නැතිනම් අකනිටා බඹලොවටද?

: 0 2

bandara Thursday, 08 July 2021 11:46 PM

තෙපර බබා ඉන්නේ නැතුව ශ්‍රීලනිප තිස්ගාණම අයින් වෙලා තමන්ගේ අනන්‍යතාවය රැකගත්තා නම් නේද නම්බුව...? දැන් මිනිස්සුන්ට පොහොට්ටුව එපාවෙලා විකල්ප හොයනවා. එකම අවුල ආණ්ඩුවෙන් ගියොත් ලොක්කාට පාස්කු කේස් එක අදිනවා.. කමිටු නිර්දේශ ක්‍රියාත්මක වේවි...!!!

: 5 11

Demuni Uduwara Friday, 09 July 2021 01:28 AM

ජයසේකර මහත්තයෝ... වෙහෙසෙන්න එපා වැඩිය. ඔබට ඉල්ලා අස්වෙන්න නිදහස තියෙනවා..!!!

: 0 7

විජේ Friday, 09 July 2021 02:20 AM

සෙට්වෙන ගාණකට ආවොත් පවුලම අතාරිනවා ශුවර්...

: 0 3

Ravi Friday, 09 July 2021 05:08 AM

සිත නිවන කතා...ලංකාවෙ දේශපාලකයො කවද්ද සියල්ල අතහැරියෙ...ටික දවසකින් ජනතා ඉල්ලීම කියල ආයිත් එයි...:)

: 0 0

Bandara Friday, 09 July 2021 05:46 AM

මෙයා මොකකට හරි එන්න යන පාටක් පේනවා. ඇත්ත වහගන්න වගේ යන්නේ.

: 0 2

Puppa Friday, 09 July 2021 05:58 AM

දේශපාලනේට ඇවිල්ලා කෝටිගණන් හම්බ කරපුවා මේ අය ළඟ තියෙනවා. ඉතින් කාටද බය?

: 0 2

දොලේවත්ත Friday, 09 July 2021 06:35 AM

සෑහෙන කාලෙක ඉඳන් ගොරවන්නේ... වහින පාටක් නෑ.

: 0 3

C.K.Lankaputhra. Friday, 09 July 2021 07:00 AM

නරි හූ කිව්වට කමක් නැත්තං යන්න එපා. බාහිර රෙද්ද ගැලවුණාට කමක් නැතිනම් අභ්‍යන්තර රෙද්දයි අමුඩෙයි දෙකම ගැලවෙනකම්ම ඉන්න. නරි එදාට හූ කියන්නේ නැතුව, අපි හූ කිව්ව වෙලාවේ ඔයා ගියා නම් අමුඩේ හරි බේරගන්න තිබුණනේ කියයි.

: 0 4

Asokagunasekara Friday, 09 July 2021 08:13 AM

කාට අවශ්‍ය නම්ද?

: 4 1

Vithana Friday, 09 July 2021 09:06 AM

ඔයා මොනා අත හැරියත් නැතත් අපි ඔයාලා ඔක්කෝම අත අරිනවා තව අවුරුදු 3 කින්.

: 6 3

Cisco Friday, 09 July 2021 09:07 AM

මේගෙල්ලො මේක අතඅරිනවනම් ෂුවර් එකටම තව එකක් අල්ලගන්න බලාගෙන තමයි.

: 17 4

bandula G Friday, 09 July 2021 01:11 PM

ලංකාවේ බිහිකළ අකාර්යක්ෂම ඇමැති මණ්ඩලයක්... ජනතාවට...!

: 0 5

විපරමා Friday, 09 July 2021 02:09 PM

දේශපාලුවන් කවද්ද ඇත්තක් කිව්වේ..? සදහටම බලයේ ඉන්න පුලුවන් නම් වෙන සැපක් කොහෙන්ද?

: 0 11

K.wipula anandasiri Friday, 09 July 2021 02:33 PM

ඉවසීම ඉතා හොඳයි..

: 0 1

Kuma Friday, 09 July 2021 08:52 PM

තව ටික කාලයක් ඉවසන්න. අපි ඔක්කොම අත්හරින තැනට වැඩ සිද්ද කරලා දෙන්නම්. ඔයාලා ඒවා ගැන වදවෙන්න ඕනෑ නෑ.

: 0 107

සෙනෙවිරත්න Saturday, 10 July 2021 06:33 AM

දැන්ම නැව ගිලෙනවද? මීයන්නේ පනින්නේ?

: 0 1

ගමේ එකාලා Saturday, 10 July 2021 03:39 PM

කියන්න ලෙහෙසියි. එහෙට මෙහෙට තමුන්ගේ වාසියට පැවැත්මට, තණ්හාවට පැනපු කෙනානේ... අපි නොදන්නවා නෙවෙයි.. දේශපාලුවන්ගේ හැටි.... කයිවාරු විතරයි..

: 0 1

Kumara Saturday, 10 July 2021 08:43 PM

කන්න දෙනවා නම්.. බොන්න දෙනවා නම්... මොන කෙංගෙඩියද තව ඕනැ කියන්නේ..?

: 0 0

ඔබේ අදහස් එවන්න

එසැණ පුවත්

පුංචි ඡන්දෙ ගමන් බිමන් වලට ගිය සල්ලි ආණ්ඩුවට දෙනවා

2025 මැයි මස 03 347 0

පළාත් පාලන ඡන්ද ප්‍රචාරක කටයුතු සඳහා තමාගේ ගමන් බිමන්වලට වැය වූ ඉන්ධන මුදල් නැවත රජයට පියවන බව ජනාධිපති අනුර දිසානායක මහතා පැවසීය.

පුංචි ඡන්දයේ මුල්ම ප්‍රතිඵලය රෑ 11ට

2025 මැයි මස 03 221 0

පළාත් පාලන මැතිවරණයේ පළමු ඡන්ද ප්‍රතිඵල රාත්‍රී 11 වන විට ප්‍රකාශයට පත් කිරීමට බලාපොරොත්තු වන බව මැතිවරණ කොමිෂන් සභාවේ සභාපති ආනන්ද රත්නායක මහතා පැවසී

හරක් කටාට දුරකථනයක් දුන් එස්.ටී.එෆ් කොස්තාපල් අත්අඩංගුවට

2025 මැයි මස 03 967 0

ත්‍රස්තවාදී පනත යටතේ රැඳවුම් නියෝග ලබා තංගල්ල පැරණි බන්ධනාගාරයේ රඳවා සිටින සංවිධානාත්මක අපරාධ කල්ලි නායකයෙකු වශයෙන් හඳුන්වන නදුන් චින්තක නොහොත් හර

පාලම් 97ක වැඩ කොටඋඩ

2025 මැයි මස 03 445 0

ගිවිසුම් අවලංගු කෙරුණු පාලම් 97ක ඉදිකිරීම් කොන්ත්‍රාත්කරුවන්ට 2023 වසරේදී රුපියල් කෝටි 33කට වැඩි මුදලක් ගෙවා ඇතැයි ජාතික විගණන කාර්යාලය නිකුත් කළ වාර්තා

’’වියට්නාමේ ඉඳන් මං ඡන්දෙ දාන්න එනවා’’

2025 මැයි මස 03 2050 0

මැයි 6 වැනිදා වියට්නාමයේ ඇරැඹෙන ජාත්‍යන්තර වෙසක් උළෙලේ සමාරම්භක අවස්ථාවට සහභාගී වී ඡන්දය දැමීම සඳහා නැවත ලංකාවට එන බව ජනාධිපති අනුර දිසානායක මහතා කීය

පාර්ලිමේන්තු ලොක්කෝ මැතිසභා වියදමින් සවාරි ගිහින්

2025 මැයි මස 03 4239 0

කථානායක නියෝජ්‍ය කතානායක නියෝජ්‍ය කාරක සභා සභාපති ලබා දෙන වාහන සංඛ්‍යාව දෙකක් දක්වා අඩු කිරීමටත් පාර්ලිමේන්තු මහ ලේකම් නියෝජ්‍ය මහලේකම් සහකාර මහලේක