( මනෝප්රිය ගුණසේකර සහ නාලක සංජීව දහනායක )
නිවෙස්වල එක්රැස්වෙන කුණු එකතු නොකිරීමෙන් තමන් දැඩි අපහසුතාවයකට පත්ව ඇති බව සඳහන් කරමින් ඔරුගොඩවත්ත ප්රදේශවාසීන් විසින් කොළඹ අවිස්සාවේල්ල මාර්ගය අවහිර කරමින් පැවැත්වු විරෝධතාවයක් හේතුවෙන් දැඩි රථ වාහන තදබදයක් ඇති වු බව පොලිස් මාධ්ය කොට්ඨාසය සඳහන් කරයි.
නිවෙස්වල එක්රැස් වු කුණුද රැගෙන මහ පාරට පැමිණි ඔරුගොඩවත්ත ප්රදේශවාසීන් පැය දෙකකට අධික කාලයක් තිස්සේ පැවැත්වු විරොධතාවය මහා නගර සභාවේ කුණු ලොරි පැමිණ කුණු රැගෙන යෑමෙන් පසුව අවසන් වු බව පොලිස් මාධ්ය කොට්ඨාසය වැඩිදුරටත් සඳහන් කරයි.
COMMENTS
අවුරුදු දෙකක් ඇතුලේ රටකට ගිය කල.
මහරගම ප්රදේශයේ ත් කුණු පාරවල ගොඩ ගහලා. ඒවා සතුන් ඇද දමලා. දැන් මේ සතියේ කුණුත් එකතු වෙනවා. මේ පැති වල මිනිස්සුන්ට හොයා ගන්න බැරි ලෙඩ හැදුනෙ නැත්තම් තමයි පුදුම. පලාත් පාලන ආයතන වල ඒවට වග කියන මහජන නියෝජිතයෝ නෑ. රජයේ නිලධාරීන්ගේ වැඩ ගැන අමුතුවෙන් කියන්න අවශ්ය නෑනේ. දැන් නම් අන්තෝ ජටා..බහි ජටා !
එතනින් මෙතෙන්ටත් මෙතනින් එතෙන්ටත් ගොඩගසන්නට හැර දීර්ඝකාලීන විසඳුමක් හිතන්න තවම හිතලාවත් නැත. අනේ මගේ සුන්දර රට! විනයක් නැති මිනිසුන් හා දැක්මක් නැති පාලකයන් අතින් වැනසෙන හැටි!!!